Walang brownout sa Holy Week
MANILA, Philippines - Siniguro ng gobyerno na walang magaganap na brownout sa Holy Week break kasabay ang paniniguro ng Department of Energy na mayroong sapat na supply ng kuryente pati sa Metro Manila sa kabila ng shutdown ng isang unit ng Masinloc power plant.
“Wala tayong brownout... Ang worry talaga eh ngayong araw kasi may Malampaya restriction, hindi total shutdown pero partial shutdown. Pero nagawan na natin ng paraan na tatakbo sa liquid ang mga puede tumakbo ng liquid para di manganib ang grid natin,†paniniguro ni Energy Sec. Jericho Petilla.
Napaulat ang posibleng pagkakaroon ng brownout matapos ilagay sa yellow alert ng DoE makaraang mag-shutdown ang unit 2 ng Masinloc power plant sa Zambales at ang maintenance shutdown din ng Malampaya natural gas.
Aniya, hindi kakapusin ng supply ng kuryente ngayong Holy Week dahil mas mababa ang demand sa kuryente kung saan maraming pagawaan ang sarado.
“Mababa ang demand ngaÂyon kasi nagsisimula ang mga tao mag-bakasyon... Estimate lang natin ang supply 8,300 to 8,400 MW. Ang consumo ay 7,400 at the peak... So may excess na mga 900 to 1,000 MW which does not put us at yellow alert,†paliwanag pa ni Petilla.
Inaasahang babalik ang opeÂrasyon ng Masinloc sa loob ng 3-5 araw habang isinasaayos na din ang Pagbilao plant.
- Latest