Maagang pahalik sa Itim na Nazareno

MANILA, Philippines - Tiniyak ng Manila Police District ang seguridad sa Luneta kasabay ng maagang pagsisimula ng pahalik sa Poong Nazareno kahapon na susundan ng traslacion bukas.

Ayon  sa MPD, aabot sa 4,000 augmentation  ng mga pulis ang ipakakalat sa paligid ng Luneta at ng Quiapo Church kung saan inaasahang aabot sa 9 milyong deboto ang lalahok sa traslacion.

Nabatid na 11 checkpoints din ang inilatag ng MPD upang masala ang mga motorista na posibleng magsagawa ng anumang kaguluhan. Handa rin ang puwersa ng Philippine Coast Guard, police districts at mga K9.

Umaabot din sa mahigit 30 ang CCTV came­ras doon, bukod pa sa 26 na unang ikinabit ng National Parks Development Committee.

Nagtayo na rin ng First Aid Station ang MMDA.

Sa ngayon, nagsasagawa na ng patching works ang DPWH habang nag-iinspekyon ang mga pulis sa ruta ng traslacion.