Death penalty Law repasuhin - Sen. Legarda

Hiniling ni Senador Loren Legarda na muling rebisahin ang death penalty law matapos na umakyat sa 6 na porsyento mula sa unang siyam na buwan, taong ito ang itinaas ng bilang ng kasong panggagahasa.

Sinabi ni Legarda na base sa police statistics, mula sa rape cases na 2,319 noong nakalipas na taon ay tumaas ito sa 2,450 kaso sa taong 2000, na nagpapatunay lamang, aniya na ang umiiral na death penalty law ay hindi pa rin epektibo.

Iginiit ni Legarda na kinakailangang tumingin pa ang mga mambabatas ng isang mabisa o epektibo pang pamamaraan sa pamamagitan ng pagre-review sa death penalty law upang katakutan ng mga rapists. Ang death penalty law ay na-reinstate noong l994 para sa mga heinous crimes gaya ng kasong murder at pagbebenta ng illegal na droga dahil sa sunud-sunod na karumal-dumal na krimen. (Ulat ni Doris Franche)