Banat Showbiz

Angel dili madayon sa Darna

March 22, 2017 | 12:00am

CEBU, Philippines - Dili na madayon si Angel Locsin nga mahimong bida sa upcoming movie sa Star Cinema nga Darna.

Gitambagan ang aktres sa iyang doktor nga dili modawat og proyekto nga napuno sa aksyon nga mga eksena aron dili mosamot og kangulngol ang likod nga bahin sa iyang lawas.

Kahinumdoman nga nagsugod na unta si Angel sa iyang training alang sa maong proyekto apan nanakit og balik ang iyang likod.

"ABS-CBN, Star Cinema, and Angel Locsin have mutually arrived at a final decision that she will no longer pursue the “Darna” movie due to her medical condition. We gave Angel our full support during and after her treatment in hopes that she would portray the iconic Filipino heroine. Because of Angel’s passion and dedication, she resumed training for the movie after undergoing surgery and therapy for the disc bulge in her spine. Unfortunately, Angel experienced back pain twice during training, prompting her doctor to advise her not to participate in strenuous activities to avoid permanent damage on her spine,” suma pa sa official statement nga gipadala ni Kane Errol Choa, ang Corporate Communications Head sa ABS-CBN.

Samtang dili angayan maguol ang fans sa aktres gumikan kay hatagan siya og laing proyekto sa ABS-CBN.

Malakip si Angel uban kang John Lloyd Cruz sa umaabot nga pantaserye nila ni Daniel Padilla ug Kathryn Bernardo nga La Luna Sangre.

Duna pud siya’y pelikula kun diin makauban niya si James Reid. Gikatakda usab sila nga magpares ni Coco Martin sa lain niya nga movie project.

Xian bida sa action movie

Sa labing unang higayon, suwayan ni Xian Lim ang action movie. Nalakip ang aktor sa pelikulang Corpus Delicti nga ubos sa direksyon ni Toto Natividad. Dakong hagit alang kang Xian ang maong proyekto gumikan kay dili gyud basta-basta ang mga eksena niini. “Siguro times five ng drama ‘yung paggawa ng action. Kasi paikut-ikot ‘yung camera eh, ang daming shots na kailangan. May saksakan, barilan,” suma pa sa aktor.

Masinabtanon ang GF

Mapasalamaton si JC Santos sa iyang non-showbiz girlfriend nga si Teetin Villanueva gumikan kay nakasabot ra gyud kini sa iyang ka-busy sa showbiz. Dul-an na sa upat ka tuig ang ilang relasyon.

Nangabang og sinehan

Giabangan gyud ni Paolo Contis ang tibuok sinehan sa dihang nitan-aw siya sa Beauty and the Beast. Sila Paolo ug ang girlfriend niini nga si LJ Reyes ug ang anak niini nga si Aki mao ra’y tawo sa sulod sa sinehan. “I think this is the best movie experience I ever had,” suma pa sa social media post ni LJ.

Woke Up Like This

Nakapili na og final title ang Regal Films alang sa umaabot nga pelikula nila ni Vhong Navarro ug Lovi Poe ug kini nag-ulohan og Woke Up Like This. Malakip usab sa maong pelikula sila si Joey Marquez , Bayani Agbayani ug pipila ka Star Magic talents .

Poser ni Sunshine

Mialma si Sunshine Dizon sa iyang poser sa Facebook. Giawhag sa aktres ang maong tawo nga mohunong na sa bati nga binuhatan niini. Suma pa ni Sunshine nga nanguha og hulagway ang iyang poser sa iyang Instagram account ug gi-upload dayon kini sa Facebook. “Kung sino man po ang admin ng FB account na ito, i know that you are using my pictures and using my name.Kindly message me po soon as possible para makapag usap po tayo ng maayos.Alam ko po na makikita nyo ito dahil dito din po kayo nag grab ng pictures.Kindly dm me po. Salamat po,” suma pa sa aktres.

Modala sa tingog

Mga pinili nga Kapuso stars ang ni-dub sa tingog sa mga karakter sa Voltes V nga magsugod na karong March 27 sa GMA-7. Gilangkoban kini nila ni Bea Binene (Jaime), Derrick Monasterio (Steve), Jak Roberto ( Mark), Hiro Peralta ( Big Bert), ug Ken Chan ( Prince Zardo).

Arci kever sa isyu

Dili apektado ang Kapamilya actress nga si Arci Muñoz sa isyu nga matud pa gimik lang ang giingong breakup nila ni Badi del Rosario aron mokisaw og samot ang iyang pangalan. Suma pa ni Arci nga nalingaw ra siya sa iyang pagka-single. “Wala akong pakialam sa kanila,” suma pa sa aktres.

Bag-ong balay

Gisubhan na niadtong Lunes ang bag-ong balay sa Celebrity couple nga sila si Jason Francisco ug Melai Cantiveros . Nahimutang kini sa Mindoro ug malipayon ang magtiayon gumikan kay duna gyud sila’y nakita sa ilang mga hinagoan sa showbiz.

Nataypan ang Pinay

Ang Fil-Am nga si Anatalia Villaranda maoy napilian ni Alicia Keys aron modayon sa sunod nga round sa The Voice USA. Nakauban ni Anatalia sa battle round ang kauban niya sa Team Alicia nga si Missy Robertson kun diin gikanta nila ang “Tightrope”.

Nakulbaan og maayo

Nahadlok apan naghinam-hinam na si Loisa Andalio sa mahimong reaksyon ni Sharon Cuneta kalabot sa peg-revive niya sa kanta sa mega star nga “High School Life” . Nasayran nga mao kini ang debut single ni Loisa nga i-release karong adlawa.

Piolo gipahilak ni Mother Lily

Wala kapugong si Piolo Pascual sa pagtulo sa iyang luha atol sa presscon sa iyang pelikulang Northern Lights: A Journey To Love niadtong Lunes.

Samtang gibasa ni Mother Lily Monteverde ang iyang espesyal nga mensahe alang kang Piolo , ningaab dayon ang aktor.

“The first time I met Papa P, I knew he was special.Not only do I find him to be a brilliant actor, he is a diligent one as well.His eyes speak of sincerity, his heart filled with compassion for others.Right there and then, I thought this guy would go a long way in his career. I was right,” tipik sa mensahe ni Mother Lily.

Katorse ka tuig na ang nilabay sa dihang nalakip si Piolo sa pelikula sa Regal nga I Think I’m In Love, ug karong tuiga , dako ang pasalamat ni Mother Lily nga nibalik pagama og proyekto ang aktor sa iyang movie outfit pinaagi sa Northern Lights.

Gibutyag usab ni Mother Lily nga gipaambit ni Piolo ngadto sa tibuok crew sa maong pelikula ang nadawat niini nga talent fee atol sa katapusang adlaw sa shooting.

Ipasalida na ang Northern Lights: A Journey To Love karong March 29 nga co-production sa Regal Entertainment, Spring Films,ug Star Cinema.

Kauban ni Piolo sa maong pelikula sila si Yen Santos,ug Raikko Mateo.