Blatche bilib sa bag-ong Gilas players

CEBU, Philippines - Nakauyon si naturalized center Andray Blatche nilang Gilas cadets Roger Pogoy ug Matthew Wright ug ingon man PBA mainstay nga silang Raymund Almazan ug Allain Maliksi  tungod sa maayong gawi niini.

Si Blatche nga gipapahuway una ni coach Chot Reyes nagkanayon nga nakuha dayon iyang atensyon sa maong mga players atol sa pag-apil niya sa team practice sa Gilas Pilipinas niadtong Domingo.

Sila si Wright, Almazan ug Cebuano point guard Pogoy gihulagway ni Blatche nga mamahimong alas nila sa three-point area, samtang si Almazan makatabang kaniya sa pagdepensa sa mga dagku nilang kaatbang.

Ang Gilas mopakita og aksiyon sa SEABA Championship karong Biyernes diin una nilang sangkaon ang Myanmar.

Bisan pa og mga koponan sa Southeast Asia ra ang ilang sangkaon, ang ex-NBA center nagkanayon nga dili sila angay mokompiyansa ug kinahanglan nga seguruon nila ang kampiyonato nga maoy pasaporte nila paingon sa FIBA Asia Cup sa Agosto didto sa Lebanon. (BANAT NEWS)