Our Lady Of Lourdes daog
CEBU, Philippines - Mipakita na sab og laing milagro ang Our Lady of Lourdes ug ilang gipaluhod ang Explorer, 65-59 sa LABA Commissioner’s Cup basketball tournament niadtong Biyernes didto sa Co Tiao King gym sa Tabok, Mandaue City.
Sa nag-unang tulo ka kuwarter, ang Our Lady of Lourdes maoy pirmeng naggukod ug usa sa hinungdan niini mao ang lugak kaayo nila nga depensa ug ingon man mga turnovers.
Didto na sila mahuwasi og ginukod human makatabla, 51-all sa nahabiling 7:30 sa fourth quarter sa basket ni Edgar Bercero.
Ang 3-point play ni Canjo Echavez maoy hingpit mipalabaw sa Our Lady of Lourdes, 62-56 sa nahabiling 2:40 sa duwa.
Si Tawing Grafe maoy topscorer sa Our Lady of Lourdes ni playing team manager Gilbert Sebandal pinaagi sa iyang 11 puntos. Sila si Sebandal ug Echavez parehong mitampo’g nuybe puntos sa Our Lady of Lourdes nga pabilin gihapon sa ikaduhang dapit sa standing sa ilang 4-0 nga baraha.
Ang Explorer (2-3) gipangulohan ni Leo Gelbolingo nga mikabkab og 14 puntos.
Sa laing duwa, ang Monterroyo/Co-Jordan nagpabiling wa’y pilde sa lima ka duwa human midaog batok sa MS Motosuit, 88-53.
Gipangulohan ni Richard Jordan ang daog nga adunay 16 puntos, gisundan ni Michael ‘The Rock’ Tañan sa iyang 13 puntos.
Si Ramil Estremos mao sab ang nangu sa MS Motosuit nilang Lou Ornopia ug Tophe Villalon nga miburak og 15 puntos.
Midaog sab ang Team Quiñahan pinaagi sa forfeiture batok sa Team Velasco.
Ang mga duwa gipadagan ni commissioner Albert Ramos sa abag nilang Willy Medillo ug Lloyd Chavez, ingon man nilang Beny ‘Bato’ dela Cruz, Negro Sable ug Ruben Canen.
Puntos Matag Usa
Unang duwa:
Monterroyo/Co-Jordan (88) – Jordan 16, Tañan 13, Landiza 9, Tantuan 8, Cabucos 6, Paciencia 6, Ramos 6, Ouano 6, Ecot 5, Gastardo 5, Caballero 4, Panugaling 4.
MS Motosuit (53) – Estremos 15, Bamba 13, Cañete 8, Apas 6, Sicad 4, Ceniza 4, Son 2, Aligway 1.
Ikaduhang duwa:
Our Lady of Lourdes (65) – Grafe 11, Sebandal 9, Canjo 9, Chavez 8, Bercero 7, Monsanto 7, Pacquiao 6, Cinco 5, Limosnero 2, Incorporado 2.
Explorer (59) – Gelbolingo 14, Gomez 9, Dayanan 7, Buliag 6, Sarmiento 5, Villarosa 4, Yamomo 4, Buenavista 4, Baloro 2, Enriquez 2, Russiana 2. (BANAT NEWS)
- Latest