GGBC mopahigayon sa ilang final meeting
CEBU, Philippines - Ang Guadalupe Golden Basketball Club (GGBC) mopahigayon sa ilang katapusan ug final meeting karong alas-7 sa gabii diha sa Guadalupe Sports Complex, Cebu City.
Pagpangandam kini alang sa umaabot nga 50-above Inter-Ballclub basketball tournament 2017.
Matud pa ni tournament chairman Lito Posadas nga ilang giawhag pag-usab ang tanang teams nga mangapil sa tinuyo nga liga alang sa mga basketbolista nga nagpangedaron og 50-anyos pataas pagtambong sa maong meeting aron tukion ang pamaagi sa torneyo ug ingon man paghan-ay sa mga line-up.
Napulo ka teams ang kompirmadong mopakita’g aksiyon sa maong liga nga gikatakdang sugdan karong Domingo sa alas-8 sa buntag sa nahisgutang sports complex.
Ang duwa himuon matag adlaw’ng Domingo sa nagkalain-laing binyu.
Ang liga nahimo pinaagi sa paningkamot ni tournament organizer Serge Cortez ug committee chairmen Lito Posadas ug Gaga Cabanilla.
Matud pa ni Cabanilla, nga ilang gibalik ang duwa sa 50-anyos pataas isip ehersisyo ug physical fitness alang sa kahimsog sa panglawas sa ilang mga miyembro.
Ang liga pagadumalaon ni technical committee Edwin Dejacto Sr. (BANAT NEWS)
- Latest