Banat ( Leaderboard Top ), pagematch: 1, sectionmatch: 1

Balita Archive

Title Column\Author Date Published
8-anyos napaig: l Nangapaso ang 2 ka maguwang human moulbo ang ilang balay

Napaig ang usa ka 8-anyos nga batang lalaki samtang nangapaso usab ang duha pa niini ka mga maguwang dihang nasunog ang ilang balay diha sa Sitio Look Barangay Poblacion lungsod sa Liloan kagahapon sa kaadlawon samtang wala diha ang ilang inahan.


Si SPO2 Rizalino Aligno sa Liloan Police nga gikahinabi sa Banat News miila sa namatay nga si Jaddred Lañas, samtang nangapaso usab ang mga igsuon niini nga sila si Wilkins,14 ug Wisley,9 pulos molupyo sa maong lugar.

Ni Ni Edwin Ian Melecio October 26, 2005 - 12:00am
RIID gihagit ni Tomas O. ibulgar binuang sa 7 polis

Gihagit ni Mayor Tomas Osmeña ang hepe sa Regional Intelligence and Investigation Division sa PRO-7 Sr. Supt. Augusto Marquez nga pamatud-an ang gibulgar niining alegasiyon batok sa pito ka mga polis nga nadestino sa Tabo-an Police Station-6 ug Carbon Police Station-5 nga giingong mangilkil sa ilang mga dinakpan.


Atol sa press conference ni Osmeña kagahapon sa udto gipasalig niini nga mohatag siya og dakong ganti kun makapamatuod si Marquez sa mao niining alegasiyon.

Ni Ni Darrel Carumba October 26, 2005 - 12:00am
Kapitana sa Sumon gisundan

Subling natandog ang kalinaw sa barangay Sumon lungsod sa Tuburan human mamakwit ang mga molupyo sa Sitio Lumboy gikan sa ilang mga pinuy-anan human madawat ang balitang dunay kadudahang tawo nga nagsunodsunod sa ilang barangay kapitan dihang miadto kini sa dakbayan sa Toledo niadtong nakalabay'ng adlaw.


Si SPO3 Lino delos Santos ang deputy chief sa Tuburan police station mitug-an sa Banat News nga midangop kanila ang kapitan sa Sumon nga si Norma Burlas nga miingong dunay kadudahang tawo ang misunod kaniya samtang luwan siya sa Corominas Bus padulong unta sa dakbayan sa Toledo.

Ni Ni Edwin Ian Melecio October 26, 2005 - 12:00am
Barangay kapitan gikihas' 5 konsehal

Lima ka konsehal sa barangay Tabunok ang mipasaka og reklamo ngadto sa buhatan sa Ombudsman-Visayas niadtong Martes batok ni Adonis Bacalso kapitan sa maong barangay.


Ang mga mireklamo mao sila si Edison Racaza, Manuel Cabriana, Samuel Bacaltos, Wilmo Cabañero, Victor Zafra ug Alberto Lastimosa.


Matud sa maong mga konsehal nga si Bacalso nakalapas sa Section 3(e) ug (h) Akta Republika 3019, Section 7(a), Akta Republika 6713 ug Grave Misconduct.

Ni Ni Brenda D. Batuto October 26, 2005 - 12:00am
State of emergency giawhag

Gi-awhag ni mayor Tomas Osmeña ang konseho nga ipa-deklarar ubos sa State of Emergency ang siyudad sa Sugbo aron makapagawas kini ug gahin alang sa himoong pagpangandam sa siyudad aron pakigbatukan ang sakit nga bird flu.


Tungod niini gimandu sa mayor ang dinaliang pagpapahawa sa mga nagpabiling pamilya nga nag-okupar sa condominium sa siyudad aron mapahigayun ang dinali-ang rehabilitasiyon sa maong edipisyo nga gi-planohang maoy himoong kwarintina sa siyudad niadtong matakboyan sa bird flu.

Ni Ni Darrel Carumba October 26, 2005 - 12:00am
1 patay, 3 angol sa pamusil

Patay ang usa ka lalaki samtang naangol usab ang igsuon niini uban sa duha pa ka tawo human gipamusil sa igsuon sa konsehal sa barangay diha sa barangay Caubian, Isla sa Caubian dakbayan sa Lapu-Lapu kagahapon sa kaadlawon.


Ang namatay mao si Federico Abadajo,31, kinsa naigo sa ulo ug nasamdan usab sa tuong bukton ang manghod niining si Panfilo, 29, human sila pamusila ni Bonifacio Uy, 45, minyo.


Atol sa insidente napagan usab ang barangay tanod nga si Feliciano Sabio ug residenteng si Nida Balansag.

Ni Ni Romeo T. Limpangog October 25, 2005 - 12:00am
Rerouting sa Nob. 1, 2 gibutyag

Ipatuman sa City Traffic Operation Management (CITOM) ang halapad nga rerouting sa mga PUJ atol sa pag-obserbar sa adlaw sa mga minatay kun kalag-kalag karong petsa uno ug dos sa Nobiyembre adlaw'ng Martes ug Miyerkules sunod semana.


Sa gipagawas nga press release sa Traffic Group ug Citom pinaagi ni Supt. Julius Cesar Gornez gipahibalo niini nga apektado sa ipatumang re-routing ang tanang mga rota sa PUJ nga anha moagi sa nagkalainlaing mga sam-ang dinhi sa dakbayan atol sa adlaw sa kalag-kalag.

Ni Ni Darrel Carumba October 25, 2005 - 12:00am
Tomas wa imik panuyak sa SRP

Naglibog si Mayor Tomas Osmeña kun unsay iyang buhaton ning pagtumaw sa mga reklamo kabahin sa nahitabong pagpanuyak sa mga sakyanan nga anha moagi sa South Coastal Road sa SRP karun nga gipa-ablihan na kini sa hingpit sa mga motorista subay sa giluwatang kamanduan sa korte.


Atol sa press conference kagahapon sa udto nagdumili usab paghatag og kompletong tubag sa maong problema ang mayor ug igo lang kining mipadayag nga wala siyay kasayuran sa maong panghitabo.

Ni Ni Darrel Carumba October 25, 2005 - 12:00am
M'baling access road buksan na

Ablihan na sa publiko pipila ka semana gikan karon ang Mambaling Access Road nga nagdugtong sa South Coastal Road sa South Reclamation Project (SRP).


Tumong ug tuyo sa pagahimuong pagbukas niini aron maminusan ang suliran sa trapiko ilabi na sa dakbayan sa Sugbo ilabi na gyud ang habig sa may habagatang bahin sa siyudad.

Ni Ni Darrel Carumba October 25, 2005 - 12:00am
Tomas supak sa snap election

Dakong supak si Mayor Tomas Osmeña niining sugyot ni Senador Sergio Osmeña III ngadto sa Kongreso pag-amendar sa Konstitusyon aron mapahigayon ang snap election.


Si Osmeña maoy miduso niini human sa natigayon nga pakigtagbo nila ni Arsobispo Recardo Cardinal Vidal ug El Shaddai Leader Mike Velarde ngadto sa dili mominos siyam ka mga inilang magpapatigayon dinhi sa nasud nga maoy naglaraw ning pagpasiugda og snap election.

Ni Ni Darrel Carumba October 25, 2005 - 12:00am

Pages