Destination wedding
Kon magkasinabtanay na gani sila Jessy Mendiola ug Luis Manzano nga manumpa sa ilang panaghigugmaay, target nila ang destination wedding. Gusto sa duha nga adto magpakasal sa laing nasud ug naa na sila’y nahunahunaan.Aminado si Luis nga sudlan ra nila ang maong butang kon andam na si Jessy.
Paresan og batan-on
Ang young actor nga si Kiko Estrada maoy gikatahong makapares ni Sunshine Cruz sa usa ka pelikula. Nag-ulohan kini og My Stepmother’s Lover ug malakip usab niini si Martin del Rosario.
Naglinya ang pelikula
Aktibo gyud si Aga Mulach karong panahona. Nasayran nga nakalinya ang iyang movie projects. Duna siya’’y umaabot nga pelikula diin makauban niya si Alice Dixson. Sundan usab kini sa laing pelikula nga pagaparesan nila ni Bea Alonzo.
Completely In Love
Malipayon ang anak ni Ogie Alcasid nga si Leila Alcasid gu mikan kay nilugwa na sa mga music site ang first single niya nga Completely In Love. Ang singer nga si Marion Aunor maoy nag-compose sa maong kanta.
Dili epal
Dili ra manghilabot si Mark Herras sa pagpadagan sa career sa iyang uyab nga si Winwyn Marquez busa iyaha ra respitohon ang desisyon niini kung mo-renew ba kini o dili sa GMA-7. Giingong natapos na ang kontrata ni Winwyn sa maong network.
DoReMi
Ubay-ubay ang TV guestings nila ni Regine Velasquez, Mikee Cojuangco ug Donna Cruz busa nabanhaw ang panawagan sa ilang fans nga unta hatagan sila og reunion project. Nailhan ang tulo isip DoReMi nga maoy nagpasikat sa awit nga I Can.
Gamay ra
Gibutyag ni JC Santos nga pipila lang ang suod niya nga higala nga mga artista ug kini mao sila si Daniel Matsunaga ug Wacky Kiray nga nakauban niya kaniadto sa I Can Do That. Matud pa niya nga kasagaran sa iyang mga suod nga higala mao ang mga kauban niya sa teatro.
Pahimangno ni Vice
Gipahimangnoan ni Vice Ganda ang iyang fans nga unta dili mangatake sa ubang artista. Suma pa niya nga samokan siya mobasa og negatibong mensahe.
Mokombate sa gawas
Mobalik sa pagsalmot sa Berlinale Film Festival didto sa Germany ang beteranong direktor nga si Lav Diaz ug ang hunk actor nga si Piolo Pascual. Kini pinaagi sa ilang pelikula nga ‘Ang Panahon ng Halimaw.’ Nagkauban na sila og trabaho kaniadto sa pelikulang 'Hele sa hiwagang hapis'.
- Latest