Eksena sa London

Padayon ang shooting sa pelikula nila ni Nadine Lustre ug James Reid nga nag-ulohan og Never Not Love You. Kasamtangang nitikang ang duha sa London alang sa shooting sa pipila ka mga eksena sa maong pelikula.

Best birthday

Gibutyag ni Toni Gonzaga nga makahuluganon gyud kaayo ang iyang pagsaulog sa iyang birthday niadtong January 20 gumikan sa anak nila ni Paul Soriano nga si Seve. Suma pa sa TV host nga espesyal kaayo si Seve sa kinahuhi nila ni Paul.

Super Ma’am manamilit

Tsika pa ni Marian Rivera nga  mo-focus gyud siya sa pag-atiman sa iyang anak nga si Zia inigkahuman  sa seryeng Super Ma’am. Kutob na lang karong semanaha ang maong serye. Dako ang pasalamat ni Marian sa tanang tawo nga nisuporta sa Super Ma’am.

Janine pasok sa Sherlock

Duna’y short participation si Janine Guttierez sa seryeng Sherlock, Jr. nga pagabidahan ni  Ruru Madrid. Mao kini ang giatiman ni Janine samtang nangandam siya sa sunod niya nga major project sa GMA-7.

Tak-om lang

Wala modetalye si  Carlo Aquino sa rason sa breakup nila sa iyang longtime girlfriend nga si Kristine Nieto. Gusto sa aktor nga himoong pribado ang mga personal nga isyu sa kinabuhi.

Nagpaklaro na

Dili na gyud kapugngan ang ka-sweet nila ni Elmo Magalona ug Janela Salvador bisan paman sa luyo sa kamera. Wala pa mohatag og katin-awan ang duha kalabot sa ilang istado apan nagpakita kini nga sabton na lang ilang mga lihok.

James mitingog na

Hugtanong gihimakak ni James Reid ang  akusasyon nga matud pa hubog siya hinungdan nga na-pack up ang shooting sa pelikula nila ni Nadine Lustre nga Never Not Love You. Una na nga nihatag og katin-awan ang uyab niya nga si Nadine kalabot sa maong isyu. Nasakit si Nadine hinungdan nga wala madayon ang shooting nila niadtong Enero 14.

Dili magpadala

Dili gyud kinaiya ni Angelica Panganiban nga makigbalik sa iyang mga nauyab kaniadto.“Hindi ko lang nakikita ang sarili ko kasi grabe ako magbigay ng chance e. Hanggang kaya pa, sige game. Pero pag natapos na ako, tapos na,” saysay pa niya sa dihang nilugwa siya sa Gandang Gabi Vice.

Amahan ni Vhong namatay

Mipanaw  na ang amahan  ni Vhong Navarro nga si Danilo Navarro. Nasayran nga nagsige na og balik sa tambalanan  ang amahan sa aktor.  Gani sa tambalanan sila nagsaulog sa Pasko. Sa episode sa It’s Showtime kagahapon, nipadangat og pag-ampo ang mga kaubanan ni Vhong sa maong show.

Gisurprisa sa uyab

Wala damha  ni  Alex Gonzaga ang presensiya sa iyang boyfriend nga si Mikee Morada sa  iyang birthday celebration sa ASAP niadtong Domingo. Gisurprisa siya sa iyang uyab kinsa nagdala og buwak alang kaniya.

Mikulit og record

Nagmaya si Kisses Delavin gumikan kay nikulit og gold ug platinum record  ang iyang self-titled album sa Star Music.  Malipayon siya gumikan sa init nga paghangop sa mga tawo sa iyang album bisan paman nga bag-o pa siya sa industriya.

Dili malikayan

Gusto nila ni Bea Alonzo ug Gerald Anderson  nga dili kaayo ipublikar ang ilang mga lihok apan dili kini malikayan  ilabi na kung dunay makakuha og hulagway  samtang nagbakasyon sila sa usa ka lugar. “We’re good, we’re happy. We’re just enjoying what we have,” suma pa ni Gerald.