Nag-abot og balik
CEBU, Philippines — Nag-reunion sa miaging gabii sa usa ka restaurant ang mga bitoon sa pelikulang “That Thing Called Tadhana” nga sila si JM de Guzman ug Angelica Panganiban. Kauban usab nila ang ilang mga suod nga higala nga sila si Joross Gamboa, Janus del Prado, ug Glaiza De Castro. Kahinumdoman nga sikat kaayo niadtong 2014 ang ilang pelikula.
Nakilig sa trailer
Gikilig og taman ang fans nila ni Elmo Magalona ug Janella Salvador sa dihang gipakita na ang trailer sa ilang pelikula nga ‘My Fairy Tail Love Story’ . Ang Regal Films maoy naggama sa maong movie project.
Ikaw na Maine!
Dili na mabangbang si Maine Mendoza gimikan kay nakabaton na siya og lipstick collaboration sa sikat nga make up brand nga MAC. Nitikang gyud sa Canada dili pa lang dugay alang sa maong proyekto. Ka-level na niya sila si Ariana Grande, Rihanna, Selena, Nicki Minaj, Miley Cyrus, Mariah Carey, Lady Gaga ug uban pa nga big stars nga naka-mugna na usab og lipstick sa MAC. Si Maine ang labing una nga Pinay nga nakasuway niini.
Magpa-slim pa
Dili pa andam si Melissa Ricks nga modawat og acting project gumikan kay nag-workout pa siya. Gusto sa aktres nga sa pagbalik niya sa showbiz, nahibalik na ang naandan nga pamorma sa iyang lawas.
Nadine nayayay
Giangkon ni Nadine Lustre nga duna siya’y sakit hinungdan nga na-delay ang shooting sa pelikula nila ni James Reid nga Never Not Love You. Matud pa sa aktres nga gawas sa scoliosis , duna pud siya’y inverted cervical curve hinungdan nga kanunay maglabad ang iyang ulo.
Nagpa-relax sa Korea
Gidala gyud ni Angel Locsin ang iyang pamilya sa pagbakasyon niya sa South Korea. Suma pa sa aktres nga nalingaw og maayo ang iyang pamilya sa pagsuroy sa maong nasud.
Mag-concert sa nasud
Motikang sa nasud ang international singer nga si Dionne Warwick. Matud pa nga aduna siya’y concert karong February 14 sa Solaire. Si Dionne maoy nagpasikat sa awit nga That’s What Friends Are For, Walk on By ug I’ll Never Love This Way Again.
Best in topless
Gikagobtan og maayo sa fans ni Erich Gonzales ang latest issue sa magazine nga Rogue gumikan ang ilang idolo maoy cover niini. Hugyaw matud pa ang maong hulagway gumikan kay naka-topless lang ang aktres.
Breast feed gyud
Gipaneguro ni Pokwang nga ipa-breast feed gyud niya ang iyang anak nga si Malia. Kahinumdoman nga nanganak ang komedyanteng aktres sa miaging adlaw. Mao kini ang anak nila sa iyang hinigugma nga si Lee O’Brian .
Gitun-an na
Malipayon kaayo si Vic Sotto gumikan kay kahibalo na ang iyang mga apo sa mga buhatunon sa balay. Kahibalo na kini manglimpyo ug manghugas sa mga plato.
- Latest