Bahala mo!
Kever ra gyud si Alden Richards sa iyang bashers. “Non pake” ang iyang baruganan kon bashers na ang hisgutan. "Kaya kahit ano pa po ang sabihin nila sa akin, sa pamilya ko po, sa mga kaibigan ko, hindi po nila ako mabi-break. "Kasi, mas kilala ko po ang sarili ko", nagkanayon siya sa balita sa www.pep.ph
Wish granted
Gipasalamatan ni Sheena Halili ang iyang higala nga si Maine Mendoza gumikan sa wish niini nga unta magka lovelife na siya. Nasayran nga usa ka abogado ang uyab ni Sheena nga si Atty. Jeron Uy Manzareno. Suma pa nag-wish gyud si Maine alang kang Sheena ug natinuod gyud.
Bisita ni Erich
“Inside scoop… meron daw dumadalaw kay Erich sa set ng Siargao. May pumunta raw, naka-private plane. But I’m not saying who,” rebelasyon ni Kris Aquino atol sa block screening sa pelikulang Siargao nga siya maoy sponsor. Gibutyag kini ni Kris aron mahunong na matud pa ang intriga nga dunay relasyon si Erich Gonzales ug ang director niini nga si Paul Soriano. Puros suod ni Kris ang mga nahisgutan sanglit si Erich giisip niya nga igsuon sa showbiz sama kang Kim Chiu, samtang ninang siya sa kasal ni Paul ug Toni Gonzaga.
Okay na
“For everyone who’s going through depression, find someone who’s going to listen to you and help you go through it.” Kini maoy tambag ni Nadine Lustre ngadto sa mga nahiagum og depression karong panahona. Mismong si Nadine ang niangkon nga aduna siyay depression gumikan sa kamatayon sa iyang igsuon ug uban pang mga pagsuway sa nilabay nga tuig. Inanay na matud pa siya karon nga nakabangon suma pa sa balita sa www.pep.ph.
Fake News
Gihimakak ni Allesandra de Rossi ang blind item nga daw siya maoy gipasabot. Kabahin kini sa usa ka aktres nga matud pa gisingkahan ang amahan sa iyang uyab. Ang maong blind item didto mayagyag sa Sino segment sa programa nila ni Arnold Clavio, Ali Sotto ug Mike Enriquez sa dzBB. Apan matud ni Allesandra pinaagi sa iyang tweet: fake news. Wala matud pay rason nganong iya kanang buhaton ug walay higayon aron kana mahitabo. Si Marc Abaya ang uyab karon sa Kita Kita blockbuster actress.
- Latest
