Gisurprisa ni Vice

Nakahilak ang inahan ni Vice Ganda nga si Nanay Rosario gumikan kay gisurprisa siya sa komedyanteng TV host didto sa San Francisco, California niadtong New Year. Nagtuo ang inahan ni Vice nga tua kini sa Hongkong nagbakasyon busa nakugang siya og maayo sa presensiya sa iyang anak. "Nawala iyong gutom ko,” suma pa ni Nanay Rosario.

Best in angkon

Gikumpirmar na gyud sa Sugbuanong actress nga si Ellen Adarna ang relasyon niini ngadto sa Kapamilya actor nga si John Lloyd Cruz. Nag- post kini sa Instagram og family picture."Di ba??? Hahaha kinsay nagtoo na ma kami diay lol, "reply pa sa aktres sa nikomento sa maong hulagway.

Dream come true

Sa ikatulo na nga higayon, nipahigayon og Tiffany’s-inspired bridal shower si Pia Magalona alang sa iyang anak nga si Maxene niadtong Huwebes. Ang soon-to-be Mrs. Robby Mananquil nagsul-ob og floral chiffon nga dress ni Yong Davalos ug ang dugay na nga gipangandoy nga Tiffany engagement ring.

Maoy nag-una

Gibutyag ni Miss Universe 2015 Pia Wurtzbach nga siya ang nibuhat og first move aron matagad ug magkaila sila sa uyab niya karon nga Filipino-Swiss car racer nga si Marlon Stockinger. “I just started liking a few pictures first, just to kinda knock on the door, like let him know, ‘I’m here.’ I’ve always had a crush on this guy,”angkon pa niini.

Nagpasalamat kang Kris

Nagpasalamat ang Film director nga si Paul Soriano ngadto ni Kris Aquino kinsa nidepensa kaniya ug ni Erich Gonzales gikan sa bashers. Gitawag sa bashers nga kabit si Erich ngadto sa direktor kinsa minyo na sa TV host-actress Toni Gonzaga.

Dili magpalupig

Kusganong gipamulong sa Pambansang Bae Alden Richards nga bisan unsaon pa siya og daot sa bashers sa offline man o online world,  dili gyud kini magpalupig ngadto kanila. "Kaya kahit ano pa po ang sabihin nila sa akin, sa pamilya ko po, sa mga kaibigan ko, hindi po nila ako mabi-break. Kasi mas kilala ko po ang sarili ko,"paghot pa sa aktor.

Happy anniversary!

Gisaulog nilang Prince Stefan ug boyfriend niini nga si Paolo Amores ang ilahang first anniversary pinaagi sa pagsuroy didto sa Bangkok, Thailand. Miangkon si Prince nga bisan nga magkasumpaki sila usahay kay malipayon siya nga nagpabilin sila sa bukton sa usa'g-usa."May mga tampuhan at hindi pagkakaunawaan. At the end of the day, we are happy and we love each other,” suma pa niya.

Matinabangon

Walay puas ang pagtabang sa Kapamilya actors Robin Padilla ug Piolo Pascual ngadto sa nahitabong krisis sa Marawi .Nagtinabangay ang duha sa pagpangita og pondo alang sa rehabilitasyon sa maong dapit.

Gusto si Angel

Gibutyag sa Kapamilya hunk actor Derek Ramsay nga pangandoy niyang makatrabaho ang award winning actress nga si Angel Locsin. Pangagpas sa aktor nga daghan kaayo siyang makat-onan ngadto sa aktres kung ugaling hatagan siya og higayon nga makatrabaho kini. Buot sab niyang makatrabaho sa usa ka pelikula ang ex-girlfriend niini nga si Angelica Panganiban.

Moving on

Miangkon ang Kapamilya host Robi Domingo nga anaa pa siya karon sa ‘moving on’ stage human sa breakup nila ni Gretchen Ho. "Parang hindi mo kasi maiiwasan na balikan 'yung memories, lalo na ang haba ng pinagsamahan po eh,” angkon pa sa aktor.