Gi-subamarino ang talent

Happy New Year mga KaBisChika! Bag-ong tuig na ugma ug daghan na pud tang saw-an dire sa BisChika! Malipayon ko nga sa tibuok tuig inyo kong gikuyogan mao nga laumi ninyo ang inyong Mother Butanding naa lang gihapon para mohatud sa mga Showbiz Chika, ma local o bisag Showbiz Chika sa kaulohan! Mao nga relax and enjoy reading the BisChika!!!!

Kinsa Siya????

NaHugyaw ang usa ka local fashion designer nga dunay mga models sa print or runway apan dili lang kay kana lang apil na pud sa iyang mga alaga ang mga beauty queen in the making. Ang nakapaHugyaw sa local fashion designer kay kining usa ka local manager ug handler usab og mga  talents  ni personal message sa  usa sa iyang mga talents. Ang message kuno sigon pa sa atong Kinsa Siya Insider nga mura’g iyang gihaylo ang talent sa local fashion designer aron mubalhin sa iyang agency. Hala noh? Unsa ni beshie? Snake and Ladder game? Hahahaha! Kining talent sa fashion designer may Ireport maong niulbo ang kaspa ni local fashion designer ngadto sa local manager. Ug dugang pa sa atong Kinsa Siya Insider nga ni lenggua ang local fashion designer nga okey ra niya nga hulman ang iyang talents basta mananghid niya og tarong. Dili siya gusto nga moderecho kini sa talent mismo! Kinsa si local fashion designer? Well, inila na pud kini sa fashion industry ug daghan na siyang na produce nga beauty queen! Kinsa si Local Manager? Ang usa ra gyud ang sure ni Kinsa Siya Insider dili siya fashion designer! Hahahaha!

Kay Bag-ong Tuig na man dapat naa’y mga New Year’s Resolution ang inyong Yur’s Truly

1. Balik Alindog Program - sugdan nato sa walking unya zumba ug belly dancing apilan pa og natural cleansing. Basin pa diay mugamay- gamay

2. 21 days - balikon ni nako nga mag 21days No pork, No beef, No chicken, No softdrinks para gaan ang feeling!

3. Biyahe - once a month nga biyahe bisag sa south to north para lang ma relax ang beauty panagsa

4. Savings - magtigum bisag ginagmay para dunay makuot kuot sa ghost month. Walay raket

5. Be Happy - bisag unsa nga problema kayanon

6. More Chika para sa BisChika

7. Love of Work nga tarungon gyud ang trabaho magamay o madako