“Ang Larawan”, nanghawod

CEBU, Philippines — Nagmalampuson ang gipahigayon nga Metro Manila Film Festival Awards Night didto sa Kia Theater sa Cubao human nga gipagawas na niadtong Miyerkules sa gabii ang resulta sa  mananaog karong tuiga.

Halos tanang mga entry karong tuiga naapuran gyud og mga pasidungog.

Ang ‘Ang Larawan’ mao ang napilian nga mananaog ug nalangkat ang mga awards nga Best Picture, Best Production Design,  Best Musical Score ug Gatpuno Antonio J. Villegas Cultural Award. Aduna pa’y pakapin nga Best Actress kun diin ang bida nga si Joanna Ampil mao ang nakadawat niini.

Ang maong kadaugan wala gyud damha human miagi og dakong pagsuway ang maong pelikula diin gipapha kini sa pipila ka mga sinehan tungod sa kagamay lang sa viewers niini.

Nanghakot sab og awards ang “Siargao” nga gibidahan ni Erich Gonzales, Jericho Rosales ug Jasmin Curtis isip Second Best Picture, Best Editor, Best Cinematography, Best Original Theme Song ug Best Sound.

Si Jasmin mao sab ang nakadawat sa award isip Best Supporting Actress. Gani, si Direk Paul Soriano mao ang nakaangkon sa award isip Best Director.

Ang pelikula nga gibidahan ni Derek Ramsay ug Jennylyn Mercado nga “All Of You” mao usab ang nakapuwesto isip Third Best Picture.  Lakip sa nadawat nga awards sa maong pelikula mao ang Best Screenplay ug ang Best Actor nga alang kang Derek.

Dakong kalipay ni Derek nga siya ang nakadawat sa maong award gumikan kay wala niya damha nga mosidlak gihapon siya. Dugang pa nga malipayon siya nga nahimo siya nga Male Star of the Night Award.

Mao kini ang full list sa midaog sa MMFF Awards Night 2017:

•Best Picture - "Ang Larawan"

•Best Actress - Joanna Ampil, "Ang Larawan"

•Best Actor - Derek Ramsay, "All of You"

•2nd Best Picture - "Siargao"

•3rd Best Picture - "All of You"

•Special Jury Prize - Coco Martin, "Ang Panday"

•Special Jury Prize - Nick Joaquin

•People's Choice Award - "GandaRappido: The Revenger Squad"

•Best Supporting Actress - Jasmine Curtis Smith, "Siargao"

•Best Supporting Actor - EA Guzman, "Deadma Walking"

•Gatpuno Antonio J. Villegas Cultural Award - "Ang Larawan"

•Best Director - Paul Soriano, "Siargao"

•Fernando Poe Jr. Memorial Award - "Ang Panday"

•Children's Choice Award - "Ang Panday"

•Best Screenplay - "All of You"

•Best Editor - Mark Victor, "Siargao"

•Best Cinematography - "Siargao"

•Best Production Design - "Ang Larawan"

•Best Visual Effects - "Ang Panday"

•Best Musical Score - Ryan Cayabyab, "Ang Larawan"

•Best Original Theme Song - Alon by Hale, "Siargao"

•Best Sound - "Siargao"

•Best Child Performer - Baby Baste, "Meant To Beh"

•Best Float - "Deadma Walking"

•Best Short Film - "Anong Nangyari kay Nicanor Dante"

•People's Choice Award (Short Films) - "Noel"

•Star of the Night (Female) - Erich Gonzales

•Star of the Night (Male) - Derek Ramsay