Ellen nagsabak, si Lloydie ang amahan
CEBU, Philippines — Nahunong na gyud ang mga hungihong mahitungod nga nagsabak ang sexy aktres nga si Ellen Adarna tungod kay siya mismo ang mikumpirma nga buntis siya ug si John Lloyd Cruz ang amahan niini. Nakasagap matud og taho ang pep.ph nga giingong nihatag og rebelasyon si Ellen ngadto sa iyang mga higala kalabot sa maong butang.
Giingong mao kini ang rason nga gipamub-an na ni Lloydie ang ilang pagbakasyon didto sa Europa ug mipauli dinhi sa nasud gumikan kay delikado gamay ang pagsabak sa aktres.
Determinado sab ang duha nga bantayan gyud ang ilang pagsabak sa aktres.
Mao usab kini ang gitiuohang rason nga wala milugwa si Ellen sa Under The Stars fashion show nga gipasiugdahan sa Bench niadtong Nobiyembre 18 didto sa MOA Arena.
Samtang duna pu’y nikatap nga report nga matud pa ni-propose na si John Lloyd kang Ellen sa miaging buwan ug posibleng magpakasal na sila sa dili madugay.
- Latest