Adbokasiya ni Winwyn
CEBU, Philippines — Gibutyag sa 2017 Reina Hispanoamericana winner nga si Winwyn Marquez nga nagpanikad na siya sa pagbuhat sa iyahang mga responsibilidad ug magsugod kini dinhi sa atong nasud. Lakip sa iyahang adbokasiya mao ang pagbuhi og balik sa Hispanic culture dinhi sa nasud ug pagpokus sa pagpalambo sa edukasyon sa mga Pilipino.
First family picture
Nag-post sa Instagram ang host nga si Pauleen Luna sa labing unang family photo nila ni Vic Sotto ug bag-o lang natawo nga anak niini nga si Baby Tali. Nihatag usab og sweet message ang host ngadto kang bossing.”Thank you for 6 wonderful years, my love. For giving me a family, for making my dream come true, to become a mom, for the unconditional love and for being the best husband any woman could ask for.”
Marlo nahiubos
Miangkon ang aktor nga si Marlo Montel nga nahiubos gyud siya sa dihang giilisan siya kang Elmo Magalona isip ka-love team ni Janella Salvador. “Of course, na-hurt talaga ako, kasi I did my best. Pinatunayan ko naman na may kaya rin ako as a leading man. Na-hurt ako sa part na yun, pero mas naging driven ako. Hindi ako papayag na maisantabi ako dahil alam kong may talent ako, “paghot pa sa aktor.
Malipayon sa manghod
Nipaabot sa iyahang kalipay ang aktor/dancer nga si Rayver Cruz ngadto sa igsoong si Rodjun kinsa engaged karon ni Dianne Medina. “Sobrang happy ako para sa kanila at bilib din ako sa dalawa. Sobrang tibay ng relasyon nila,” butyag pa niini.
Nasakit ang amahan
Masulob-ong gipahibalo sa Korean actor nga si Alexander Lee ngadto sa iyang Pinoy fans nga nag-atubang og krisis ilahang pamilya karon human bag-o lang na-diagnosed ang iyahang amahan sa sakit nga liver cancer. Tua karon sa Korea ang aktor uban ang iyang pamilya.
“Next na”
Gisungog sa Newlywed It’s Showtime! host Anne Curtis silang Angel Locsin ug Neil Arce nga sila na ang sunod nga ikasal . Nakita ni Anne ang sweetness nila ni Angel ug Neil sa dihang nitambong kini sa kasal nila ni Erwan didto sa New Zealand. Nag-post og mga hulagway ang rumored boyfriend ni Angel nga si Neil nga kuha atol sa kasal ug dinhi na ni-comment si Anne nga “NEXTna”.
Tambag sa inahan
Taliwala sa grabeng kakulba nga gibati karon sa Philippine bet para sa Miss Universe 2017 nga si Rachel Peters,mibutyag siya nga balon niya kanunay ang mga tambag sa iyahang inahan kinsa maoy nigiya kaniya sa iyahang pagpangandam sa maong indigay. “The most important thing that my mom has taught me is to really enjoy myself and also to take time for myself too,” sigon pa ni Rachel.
Pasok sa Panday
Nalakip ang beauty queen nga si Kylie Versoza sa pelikula ni Coco Martin nga Ang Panday. Makauban niya dinhi ang laing beauty queen nga si Mariel de Leon.
“Sexiest man alive”
Gipasidunggang “sexiest man alive’ sa People magazine ang singer nga si Blake Shelton kinsa usa sa mga hurado sa sikat nga singing competition sa Hollywood nga “The Voice.”
Laing nakaangkon sa maong titulo sa nilabay’ng katuigan mao silang Dwayne “The Rock” Johnson, Brad Pitt, George Clooney, Johnny Depp, Harrison Ford, Ryan Reynolds ug David Beckham.
Iñigo nataypan sa Disney
Si Iñigo Pascual maoy napilian aron mokanta sa theme song sa bag-ong pelikula sa Disney nga “Coco” alang sa upcoming Philippine release niini karong buwana.
Molugwa usab si Iñigo sa localized music video sa “Remember Me.”
“I am honored to sing this song because it is about family and remembering the people we love. “It reminds us to appreciate the love and sacrifice that our families had to make in order for us to arrive where we are,” suma pa ni Iñigo.
Ang version ni Iñigo “Remember Me” i-release karong November 19 , samtang ang pelikula nga “Coco” ipasalida sa mga sinehan sa nasud karong November 22.
Pepe Smith na-stroke
Nalandig sa tambalanan niadtong Martes sa gabii ang Pinoy rock legend nga si Joey “Pepe” Smith human kini na-stroke.
Gidala ang singer sa Acute Stroke Unit sa Metro Antipolo Hospital human naglain ang iyang paminaw.
Padayong giobserbahan si Pepe sa iyang doktor ug ikatulo na kini nga higayon nga na-stroke siya sukad sa miaging tuig.
Nailhan si Pepe sa publiko isip Rock n Roll King gumikan sa iyang grupo niadtong 1970 nga Juan de la Cruz band nga maoy nagpasikat sa “Ang Himig Natin,” “Balong Malalim,” “Beep Beep” ug uban pa. (BANAT NEWS)
- Latest