Midagayday ang mga luha

CEBU, Philippines — Nihimo og tribute ang mga staff ug hosts sa  “It’s Showtime”  kagahapon alang sa kauban nila  sa maong show nga si  Franco Hernandez  nga sakop sa Hashtag.

Namatay si Franco niadtong Sabado human kini nalumos  samtang nagbakasyon didto sa Davao.

Sa tribute kagahapon,  emosyonal ang mga kauban niya sa maong show.

Gisugdan kini pinaagi sa pagkanta ni Jed Madela og   “Gone Too Soon” ug “See You Again.”

Naghilak  si Vice  samtang nipadangat og mensahe alang kang Franco.

“Ang araw na ito ay pag-alala sa isang kapamilya natin sa ‘Showtime’ na kailan lang ay pumanaw, si Hashtag Franco na nakilala natin sa kanyang ngiti at galing sa pagsayaw at madalas nating binibiro dahil sa kanyang pagsasalita. Umuwi na po siya sa kanyang tunay na tahanan. Wala na po ‘yung anak kong konyo, ‘yung anak kong mayaman. Nalagasan ako ng isang anak,” suma pa ni Vice. 

Pagbalik sa JaDine sa big screen giatngan

Nagpanikad na sila si James Reid ug Nadine Lustre sa ilang upcoming movie project.

Gipahigayon na sa miaging adlaw ang dugang look test alang sa maong proyekto.

Ni-post si  Direk  Antoinette Jadaone og hulagway sa duha kung diin makita ang ilang mga tattoo sa kamot  nga  “Ikaw at Ako” ug  “You and Me.”

Tungod sa maong post, nagpanikad og samot ang JaDine fans sa sunod nga pelikula sa ilang idolo.

Katapusang pelikula sa JaDine mao   ang  This Time sa miaging tuig.

Nasayran nga duna pu’y special participation si Nadine sa pelikula ni James nga Pedro Penduko.  

Gwen ug Empress pasok sa Goyo

Opisyal nga gipahibalo sa TBA Studios ang mga  pangalan sa  pipila ka mga artista nga makauban ni  Paulo Avelino sa pelikulang “Goyo: Ang Batang Heneral”

Nasayran nga nagbaha ang mga artista nga nalakip sa maong proyekto  nga gisugdan og gama sulod na sa taas nga panahon.

Sila si Empress Schuck ug Gwen Zamora maoy leading ladies  ni Paulo sa maong pelikula.

Gipaneguro sa TBA nga  mahuman ang shooting sa maong pelikula ug isunod dayon ang  pagpahibalo sa play date niini.

Nalakip sa modala isip    American soldiers mao sila si  Ethan Salvador ug  Bret Jackson. Manglugwa usab sa  Goyo  ang pipila ka mga  bitoon  sa pelikulang  “Heneral Luna” ug sa short film nga  “Angelito” . Kini naglangkob nila ni  Alvin Anson, Art Acuña, Carlo Aquino, Arron Villaflor,  Epy Quizon isip  Apolinario Mabini ug  Mon Confiado isip  Pres. Emilio Aguinaldo. (BANAT NEWS)