Gipahibalo na ang karakter

CEBU, Philippines — Hingpit nang gipagawas sa Star Cinema ang Official teaser sa pelikulang Gandarrapiddo: The Revengers Squad nga gibidahan nilang Vice Ganda, Daniel Padilla ug Pia Wurtzbach. Sa maong video gipaila si Daniel isip Rapiddo, Vice Ganda isip Gandarra ug si Pia isip Kweenie. Ang maong pelikula lakip sa official entries sa Metro Manila Film Festival 2017.

Ihatag sa lain

Gibutyag sa Kapuso heartthrob  nga si  Ken Chan nga wala siya nagpa-audition aron mamahimong cast sa pagahimoon nga  Pinoy version sa Boys Over Flower sa GMA-7. Niya pa, human na sila sa susamang konsepto sa dihang usa siya sa mga cast sa seryeng Meant To Be. “E, parang ang sabi naman bibigyan ng chance yung mga bago, mga bagong artista para dun sa show, deserve ng mga baguhan iyon,” sigon pa ni Ken.

First series ni Matt

Gikatakdang molugwa ang aktor nga si Matt Evans  alang sa labing una nga Kapuso drama project niini kauban silang Ai-Ai delas Alas, Janine Gutierrez, Gabbi Garcia ug Ruru Madrid. Wala pa’y final title ang maong serye.

Supportive parents

Todo suporta kagahapon  sila si  Christopher De Leon ug Sandy Andolong ngadto sa pambato sa Pilipinas sa  Miss International 2017 nga si Mariel De Leon. Nitikang pud sa  Japan ang mga  igsoon ni Mariel ug uyab niining si Eric Luz agi'g pagsuporta sa Pinay beauty queen.

Nibalik na sa nasud

Nahibalik na dinhi sa nasud silang John Lloyd Cruz ug Ellen Adarna human sa pipila ka semana nga pagbakasyon didto sa Europe. Nakit-an ang rumored couple didto sa haya sa namatay nga anak sa kanhi Foreign Secretary Alberto Romulo nga si Lupe Romulo. Hangtod karon wala pa gyud nihatag og katin-awan ang Kapamilya stars sa ilang tinud-anay nga istado.

Isabelle nag-trending

Nag-viral sa social media ang video sa nagsabak nga aktres nga si Isabelle Daza diin misayaw kini sa hit song nga Despacito kauban ang banang si Adrian Semblat atol sa wedding reception nila ni Anne Curtis ug Erwan Heussaff. Nagkuha sa maong video mao ang suod nga higala niini nga si Nicole Andersson, kinsa misyagit nga “Huy yung anak mo!” atol sa pagsayaw sa aktres.

Jon kever lang

Giasoy sa hashtag member nga si Jon Lucas nga dili ra siya apektado sa usa ka basher kinsa nag-post nga maayo pang siya na lang ang namatay ug dili ang kauban niining si Franco Hernandez kinsa nalumos  didto sa Davao sa miaging adlaw. Gani, nihangyo pa kini sa iyahang mga fans nga dili na lang patulan ang maong social media user.

Na-pressure sa anak

Gipaambit sa beteranang aktres nga si Sylvia Sanchez nga na-pressure siya sa iyang anak nga si  Arjo Atayde kinsa kauban niya sa upcoming soap opera nga ‘Hanggang Saan’ nga gikatakdang ipasalida karong Nobiyembre 27 sa ABS-CBN. “Doon ako nape-pressure. Siyempre kaming mag-ina… Nung una, nung inoffer palang sabi namin ‘Kaya ba natin to? Okay ba?’" butyag pa sa aktres.

Unsaon na lang si Bela?

Gibutyag sa Kapamilya hunk actor nga si Zanjoe Marudo nga dili pa  siya andam makigrelasyon pag-usab ug miangkon nga mahadlok pa siya makig-date sa bisan kinsa nga aktres. Apan kung makauyab man siya mas pilion niya ang non-showbiz personality para makalikay sa mga intriga. Apan ang fans ni Zanjo igo ra nikatawa sa mensahe sa ilang idolo sanglit nasayod sila nga nagpa-cute ang ilang idolo ngadto kang Bela Padilla.

Big influence

Gibutyag sa Sugbuanong singer/actor nga si Matteo Guidicelli nga dako kaayo og impluwensiya ang  iyang uyab nga si Sarah Geronimo sa iyahang music career. “No doubt Sarah is a big influence to my music, to whatever I do. She puts blood inside it, she pumps the blood faster kumbaga. She’s a big inspiration,” sigon pa niini.

Pakyas sa pagluwas

Gibutyag ni Janica Nam nga gisuwayan niya og luwas ang uyab nga si Franco Hernandez atol sa pagkalumos niini. Apan niya pa, dili igo iyahang kusog ug napakyas gyud siya sa pagluwas niini. "I did everything para mailigtas ka mahal, kahit buhay mo na lang sana mahal ko, pero hindi pa din sapat lahat ng lakas ko," tweet pa niini. (BANAT NEWS)