Banat ( Leaderboard Top ), pagematch: 1, sectionmatch: 1

Chynna ug Kean nagpakasal og balik

CEBU, Philippines — Subling nagpakasal sila si Chynna Ortaleza, 34, ug  Kean Cipriano niadtong Martes sa Parish of the Hearts of Jesus and Mary sa Quezon City.

Nasayran nga ilaha kining giatol sa second anniversary sa  ilang civil wedding.

Una na nga gibutyag sa duha hagbay ra nila nga gipangandoy ang church wedding busa nalipay sila og  maayo gumikan kay nadayon na gyud kini.

Wala gyud palabya nila ni Chynna ug Kean ang ilang pagka-artistic pinaagi sa ilang gothic-inspired  nga kasal.

Gisul-ob sa Kapuso aktres ang  gray wedding gown nga gidesenyo  ni  Edwin Tan.

Ang bridesmaids ug groomsmen nagsul-ob og  black coat ug  shirt nga dunay suwat nga  “Till Death Do We Art.”

Nalakip sa  bridesmaids mao ang mga higala sa bag-ong  magtiayon  nga sila si  Glaiza de Castro, LJ Reyes, ug  Ryza Cenon. 

Nagsilbi usab nga groomsmen ang mga kauban ni Kean sa  banda nga  Callalily.

Pasok ang magtiayong John Prats ug Isabel Oli sa listahan sa sponsors. (BANAT NEWS)

  • Follow Us: