Banat ( Leaderboard Top ), pagematch: 1, sectionmatch: 1

Her Beautiful Heart

CEBU, Philippines — Beauty queen. Apan  dili lang kutob sa titulo, iyaha kining gibarugan pinaagi  sa pag-alagad sa komunidad.

Siya si Miss Cebu 2016 Gabriele Raine Baljak   kinsa aktibo kaayo sa mga kalihokan  nga makatabang sa  iyang isigkatawo.

Isip beauty queen,    kinahanglan  gyud   nga dili lang ang kaanyag ang molutaw, kundi lakip na pud ang maayong binuhatan.

Mabungahon ug puno sa inspirasyon ang kalihokan nga gimugna ni Gabriele nga ASSY & BUTTS (Artemis Strength for Saving Youth and Boys Ultimate Test to Strength) didto sa Rume Store and Picnic sa Luyang, Carmen, Cebu dili pa lang dugay.

“This charity project is dedicated to help uplift, and encourage the spirit of our youth in the Northern part of Cebu that has been devastated by disasters and the war on drugs. This project is in collaboration with the Cebu Weightlifting Association (CWA) and the National Weightlifting Team in Cebu. These members will be conducting a weight lifting exhibition (competition program),” matud pa ni Gabriele.

Gatosan ka mga bata ang nisalmot sa gipahigayon nga libre nga diskusyon ug pagtudlo kabahin sa weightlifting.

Ang Silver Medalist sa Rio Olympics 2016 Hidilyn Diaz, nipakita ug nihatag og tips kun unsaon ang insakto nga pag-alsa sa mga barbells.

“Dapat kun ano ang body weight mo, yun din yu’ng bagay na i-weightlift kasi hindi pwede na mas mabigat pa yung dadalhin. Baka mabalian ka pa ng buto”, suma pa ni Diaz.

Gawas sa pagpahigayon og weight lifting exhibition, gilingaw usab ni Baljak ang mga bata ug ang iyang mga bisita pinaagi sa pag-awit og mga binisaya nga kanta ug mga awit nga personal niya nga gisuwat nga dinuyugan ni Henrick James Pestaño

Ang awit nga Run, Run, Run ug Heart Strong mao gyud ang kanta nga mitatak sa mga tawo karon gumikan kay aduna kini nagpahipi nga bulawanong mensahe ngadto sa tanan.

Gani, ang labing importante nga parte sa kalihukan mao ang pang-apud-apud ni Baljak ug sa pito ka volunteers og mga pagkaon ug  school supplies ngadto sa mga bata nga mitambong sa maong kalihukan.

“I am very happy that the response from the community in Cebu kay ganahan gyud mosuporta ani. The people here in Carmen are so responsive and the kids kay buotan kaayo. Nalipay sab ko kay naa gyud sila hangtud mahuman ang event”, siya nagkanayon.

Giangkon ni Raine nga  duol gyud sa iyang kasingkasing ang  mga bata. Maingon niya nga usa ka dakong katungdanan ang iyang pag-angkon sa korona sa Miss Cebu.

“I wanted to turn into reality my advocacy in Miss Cebu. It was to create a venue where kids can grow, be safe and be nurtured. I might as well share food, share my knowledge to sports and literacy to these kids. Happy ko kay hinayhinay na siya nga nahinayon through the help of our sponsors”, suma pa ni Baljak.

Dakong pasalamat ni Baljak ngadto sa miabag og misuporta sa iyang kalihukan nga mao ang PJCFB Property Corp, Avenue 17,  OWL TREE FOODS, Oro Galleria Fine Jewelry, Ultimate Quantum Learning Center – Cebu, Shawarma Gourmet – Cebu, Cebu Integrated Arrastre Inc., Not Mike Motzki Photographer, SOLTI Activewear, God's Grace Farm, The Detox Bar – Cebu, Jarra Jewels, Bonita's Dress Shop, 4C HOME DÉCOR, the Hat Lady's Farm (Dinah Penecitos- Craven), ug Kit Bajar Photos & Videos. (BANAT NEWS)

  • Follow Us: