Mibiya sa Alyas Robin Hood
CEBU, Philippines — Gipatay ang karakter ni Solenn Heussaff isip Iris sa seryeng Alyas Robin Hood. Matud pa nga dili na molugwa si Solenn sa sunod shooting days niini gumikan kay motikang siya sa Europe alang sa umaabot nga kasal nila ni Anne Curtis ug Erwan Heussaff.
Higugmaon ang kaugalingon
Gitataw ni Angelica Panganiban nga naka-move on na gyud siya sa breakup nila ni John Lloyd Cruz. Suma pa sa aktres nga kinahanglan gyud nga higugmaon og una ang kaugalingon. “Natapos ang lahat magmula nang tinalikuran ko ang sakit. Magmula nung hinarap ko ang sarili ko,” matud pa sa aktres.
Giandaman og proyekto
Nagpanikad na ang komedyante nga sila si Boobsie Wonderland ug Super Tekla sa umaabot nila nga mga proyekto sa GMA-7. Kahinumdoman nga nipirma ang duha og management contract sa GMA Artist Center sa miaging buwan. “Malaki po ang tiwala ko sa GMA-7 na dito po ako magdadalaga. Thank you po sa ibinigay niyong tiwala sa akin, and I can say na with them, I will find more ways to make people smile,” suma pa ni Boobsie.
Excited na mouli
Busy si Reina Hispanoamericana 2017 Winwyn Marquez sa mga guesting didto sa Bolivia. Plano unta ni Winwyn nga mobakasyon deretso sa New York kung napildi pa siya sa maong indigay. Excited na ang beauty queen sa pag-uli niya dinhi sa Pilipinas.
Lawas girampa
Girampa gyud ni Ruru Madrid ang iyang lami nga pamorma sa iyang lawas atol sa iyang pagbakasyon sa Boracay. Suma pa nga disiplinado kaayo ang aktor sa iyang gipangaon hinungdan namintinar niya ang hulma sa iyang lawas.
Kaslon na
Kaslon na sunod tuig ang Kapuso star nga si Vaness del Moral sa iyang non-showbiz boyfriend nga si Matt Kier. Gipasigarbo sa aktres ang gisul-ob niya nga black diamond engagement ring nga gialirongan og diamonds . Dili pa lang dugay, ni-renew si Vaness sa iyang kontrata sa GMA Artist Center.
Tungod sa kuwarta
Komedya pa ni Ariel Rivera nga nanginahanglan siya og kuwarta hinungdan nga nidawat siya og dugang serye sa ABS-CBN nga pagabidahan nila ni Sylvia Sanchez ug Arjo Atayde. Sa wala pa niya dawata ang maong proyekto, katapusang nilugwa si Ariel sa mga serye sa GMA-7, kini sama sa Hahamakin Ang Lahat ug Mulawin vs. Ravena.
Pribado lang
Dili kaayo mohatag og lapad nga update si Daniel Matsunaga sa relasyon nila sa Polish model nga si Karolina Pisarek. Suma pa sa aktor nga ganahan siya mamintinar ang ilang privacy. “She is really very, very special, but I prefer our relationship to be very private this time,” suma pa ni Daniel.
Tabang sa isigkatawo
Gibisita nila ni Kathryn Bernardo ug Daniel Padilla ang donors sa usa ka bloodletting project. Aktibo ang KathNiel sa pagsuporta sa mga kalihokan nga nakatabang sa mga tawo.
‘Para sa Brokenhearted’
Si Sam Concepcion maoy usa sa mga bida sa movie adaptation sa ‘Para sa Brokenhearted’ ni Marcelo Santos III. Malipayon si Sam gumikan kay nahatagan na gyud siya og higayon nga makasuway nga mahimong bida sa usa ka pelikula.
Pauleen nanganak na!
Malipayong gipahibalo kagahapon ni Vic Sotto atol sa iyang noontime show nga Eat Bulaga nga nanganak na ang iyang asawa nga si Pauleen Luna.
Sa usa ka video clip nga gi-post sa Facebook page sa Eat Bulaga, makita nga nagkomedyahay pa sila si Vic ug Allan K kung diin gi-greet nila si Pauleen kinsa magsaulog sa iyang birthday karong Biyernes, November 10.
Nangutana dayon si Allan kang Vic og “Nanganak na ba?”, ug dali nga nakatando si Vic.
Suma pa ni Vic nga usa ka himsog nga batang babaye ang gihimugso ni Pauleen.
“Sa mga susunod na araw, ibabahagi namin sa inyo ‘yung mga pictures,” matud pa sa komedyanteng TV host.
Kahinumdoman nga nagpakasal sila si Vic ug Pauleen niadtong January 2016.
Ms. Colombia milaban kang Karen
Bisan pa man nga duna’y mga wala mahimuot sa pagkapili ni Karen Ibasco isip Miss Earth 2017, nihatag gyud og dakong pag-ila si Miss Colombia Juliana Franco sa kadaogan sa Pinay beauty queen.
Kahinumdoman nga sa grand coronation sa Miss Earth 2017, sila si Karen ug Juliana ang nahibilin sa entablado sa wala pa gi-declare ang winner .
Si Ms. Colombia ang napili nga Miss Earth Water o 1st runner-up.
“Congrats to my beautiful Queen @karenibasco You Are a Truly Queen, thank you for everything and I really love you,” suma pa sa Instagram post ni Juliana. (Sanden J. Anadia)
Michael Bolton nakig-duet kang Morissette
Nahimamat pagbalik sa Grammy winner ug banggiitan nga singer nga si Michael Bolton ang Cebuana singer ug kanhi co-host niya sa “Bolt of Talent” nga si Morissette Amon sa miaging gabii.
Nitikang ang American singer dinhi sa Pilipinas alang sa iyang concert nga tipik sa iyang Asian Dream Tour .
Nasurprisa pag-ayo si Morissette gumikan kay nakig-duet niya sa entablado si Michael pinaagi sa awit nga “How Am I Supposed to Live Without You”.
Sa unang bahin sa maong show, gilingaw na daan sa Cebuana singer ang audience . Gikanta niya ang “Diamant,” “Defying Gravity,” ug “Love on Top.” (Sanden J. Anadia)
Alisah nakabalik sa X-Factor UK
Magpabilin sa “X Factor UK” ang Pinay singer nga si Alisah Bonaobra human kini naluwas sa gihimong public voting kagahapon.
Busa malakip na siya sa motigi nila ni Kevin Davy White, Holly Tandy, Matt Linnen, Grace Davies, ug Rai-Elle Williams.
Si Tracy Leanne Jefford maoy ikaupat nga contestant nga natagak sa maong show.
Sa latest episode sa “The X Factor UK” , gikanta ni Alisah ang awit ni Jennifer Lopez’ nga “Let’s Get Loud.”
Ang usa sa mga hurado nga si Nicole Scherzinger nipadangat sa iyang mensahe kang Alisah nga nagkanayon, “You become this fierce beast, wild animal on stage. You shut it down tonight, you’re a little firecracker.”
Samtang ang laing hurado nga si Louis Walsh nilenggua og: “ “Amazing energy tonight… It was fantastic.” (BANAT NEWS)
- Latest