Thank You!

Hugyaw nga Domingo mga KaBisChika! Puno sa kalipay ang akong kasingkasing sa dihang nag-celebrate ko niaging semana sa akong adlaw’ng natawhan sa Missionaries of Charity of Malnourished Children sa Suba, Pasil. Simple lang ang maong selebrasyon kauban ang mga bata sa maong center ug siyempre ang mga madre, plus ang mga nanay-nanayan sa mga bata. Bisan pa man katong adlawa kay kusog ang uwan wala kini namo panumbalinga kay para sa akong mga kauban ang among tumong ug tuyo makahatag og kalipay! Present atong adlawa ang mga GaysUnlimited sa Englis V Rama ug ang akong Lumad Lions Family nga very supportive kaayo. Pag abot namo sa  Center,  ang mga bata andam na sa among feeding program kay lunch time na nila atong orasa. Sa wala pa nagsugod ang kaon,  gibuksan kini pinaagi sa pangadyi nga silang tanan ang nag-ampo dayun gisundan og birthday song. Hala noh? Na touch ang Mother Butanding nga nagpugong pugong sa luha. Gisunod dayun ang ilang lunch nga kami mismo nag-assist sa mga bata nga nag-edad og 1 year old to 4 years old.  Pagkahuman sa ilang paniudto kay naa mi oras nga nakigbonding nila — akong mga angels nakigduwa duwa sa mga bata, gipasayaw pa kini og baby shark. Ang uban kay nagbasket ball ug aduna’ y gikugos lang gyud namo. Ang akong anak for that day nga si Arnel, hyper kaayo kay bisan ako na siyang patulgon makigduwa man gyud siya nako. Ang mga nihatag og mga birthday gifts nako kay gipalit nako og powdered milk for kids, biscuits, tetra pack juice ug pagkaon para sa feeding namo. Naa usab nihatag og powdered detergent, detergent bar, usa ka sakong bugas, diaper, under wear, yogurt, water, milk drink ug uban pa! Oras na sa pag uli namo, ang uwan kay wala pa sad nihunong ug ang among kasingkasing bisag bug-at kay bisan pipila lang ka oras namo nga bonding sa mga bata gibati mi’g kamingaw dayon. Naay usa ka bata niduol namo kay nag Thank you…imong kalipay dili mabayran gyud! Maghinaut mi nga ang mga November babies sa Gays Unlimited kay makabalik sa Missionaries of Charity puhon maayo ang lawas namo!

Sa laing bahin, malampuson ang Kapuso Mall Show featuring : My Korean Jag Iya kauban silang Edgar Allan Guzman, Alexander Lee ug Heart Evangelista back to back si Alyas Robinhood nga silang Solenn Heussaff, Andrea Torres ug Dingdong Dantes! Kahugyaw na man lang gyud sa mga Kapusong Cebuano nga sayo pa lang sa buntag naa na sila sa venue para makakita sa ilang mga idolo. Nanghatag og mga papremyo ang Kapuso Network pinaagi sa mga games. Wala’y niuli nga walay gibitbit ang nahimong players. Mas niinit na kini dihang nigawas na tagsa tagsa ang mga Kapuso stars para mo-perform. Feeling close gyud ko aning Dingdong Dantes kay pagkita niya nako best in pangumusta man sa akoang beauty. Mao nga si Dingdong love kaayo nako, hahahhahaha! Unya mura nakog nabungol sa mga singgit sa mga fans. Bisan huot kaayo ug alimuot winner ang mga Kapusong Cebuano kay gibisita sila sa ilang mga Kapuso stars.

By the way, winner pud akong beauty sa mga video greetings sa atong mga Kapuso stars sama nilang Edgar Allan, Alexander, Heart , Solenn,  Andrea ,  Dingdong ug siyempre Alden Richards. Thank you sa mga nag-effort sa maong VG! Thank you usab sa The Freeman Banat News family sa surprise nga ilang gimugna para nako kay sa among Banatanay Live na Live with matching birthday cake man gyud oi! Thank you sa among Banat editor Ryan Mark, among producer sa Banatanay Live na Live Joebert Ocao ug sisterettes Sanden Anadia ug James Phillip Lao.

Thank you Lord for this beautiful Life bisan pa man sa mga pagsuway!!!