Miss Globe 2017 First Runner Up
Mitapos isip First Runner Up ang beauty queen ug ang piloto nga si Nelda Ibe sa 2017 Miss Globe nga didto nahitabo sa Tirana, Albania niadtong Biyernes sa gabii. Giingon nga una pa nahitabo ang koronasyon, na-feature una siya sa nagkadaiyang TV stations didto sa Albania. Plano ni Nelda nga ipadayon ang iyang propesyon isip piloto human sa pageant.
Pabilin sa spotlight
Bisan og kasamtangang nawala sa showbiz ang aktor nga si John Lloyd Cruz, pabilin gihapon nga nakatutok kaniya ang spotlight human nga siya ang nahimong cover man sa Mega Man. Ang mga hulagway ni Lloydie didto gikuha sa Portugal.
Engaged na
Officially engaged na gyud ang Kapuso singer nga si Christian Bautista ngadto sa iyang non-showbiz girlfriend nga si Kat Ramnani. Malipayon nga gipahibawo ni Christian nga nahitabo ang maong pagsugot ni Kat didto sa Venice, Italy.
Duna na’y plano
Giangkon ni 2017 Miss Universe Philippines Rachel Peters nga andam na siya nga mo-settle down ngadto sa iyang boyfriend nga si Governor Migz Villafuerte. Matud pa niya nga lakip na sa ilang diskusyon ang kaminyuon.
Nagmahay
Gitug-an ni Hero Angeles nga nagmahay na siya sa iyang temporary nga pagbiya sa showbiz kaniadto. Karon nga mibalik na siya isip usa ka Kapamilya, gipaniguro na niya nga hatagan na gyud niya og bili ang iyang trabaho ug ang mga tawo nga misuporta kaniya sukad pa sa sinugdanan sa iyang karera.
Magnegosyo
Nakalista na ang mga plano ni Miss International 2016 Kylie Verzosa alang sa iyang mga pambuhaton inig human niya og turnover sa korona nga Miss International. Matud pa niya nga gawas sa iyang pagtikang sa nagkadaiyang nasud, modelling ug pag-endorso og mga produkto, gusto usab niya nga ipahibalo sa tanan nga nagsugod na siya isip usa ka entrepreneur. “I started PropertyAccess.co with my partners and we will have our first conference on 17 - 18 November at Basement 1, Bellesalle, Roppongi,” pahibawo pa ni Kylie.
- Latest