Banatanay: Bashers ni Xander angay palawon

Sanden: Hello mga suki namong readers sa Banatanay! Maayong adlaw kaninyong tanan. Maayong adlaw’ng Martes sa hampaslupa nga si Jaypee nga dili na gyud kapugngan ang nagpungasi nga lovelife ug kang Tita Yuri nga lumalaban sa mga raket. Pabilin nga trending sa social media ang pangalan ni Marlou nga nailhan na karon isip Xander Ford human siya nagparetoke sa iyang dagway. Sa panahon nga Marlo pa siya, gi-bash siya, karon nga nausab na ang iyang dagway, gi-bash gihapon. Naunsa na man intawon ang mga tawo karon uy?

Jaypee:  Olah mga kapamilya, kapuso ug kapatid. It’s Tuesday and it’s Banatanay Day.

Kumusta not so talented Sanden and not so beautiful Yuri? Hampaslupa no more na??? Ahw!.

Check na check ka diha Sanden.  Naglabad akong headdress aning mga hampaslupa nga wala nay laing gibuhat kun dili ang pagbash ni Marlou o kon karon Xander Ford na. Naglibog ko, sa una nga bati’g nawong sige nila’g bash kay heavy daw ka chaka. Unya karon nga ni shufoh na, gi-bash na sab. Timan-i sab tawon ninyu, sa inyung pagsigeg bash niya kinsa may nisikat? Di ba siya? Mas nisaka na hinuon karon ang iyang mga raket. Dili  kaayo ta palabi kay sama sa kadaghanan, nanginabuhi na si Xander arun aduna poy ikapakaon sa iyang pamilya.  Ang gikasakit man gyud aning uban mao daw ang ni-leak nga video kung diin gisaway niya ang usa ka aktres.   Alang nako hagbay na man to nahitabo, Marlou pa sya atu. Hatagan na lang natu siya og chance sa iyang pag-bag o kay iya man sab gipakita nga willing siya sa pag-usab.  Aw kon modako iyang ulo, kabawo na ta sa iyang padulngan. Pero sayo pa kaayu run aron i-judge siya.

Yuri: Haloween, ungo-ungo  hahaha! Bitaw uy,  sa dihang  Marlo pa siya murag wala siya na-successful sa iyang pagsulod sa showbiz apan karun nga Xander na siya mura’g nihayag na ang iyang kaugmaon kay left and right ang raket.  Ang pangutana, ang kanindot lang ba diay ang tan-awon sa  fans? Kun mao na,  nagparetoke na unta ang tanang chaka (bati og nawong ), sa kalibutan.  Apan bisag hamis na ang iyang nawong, lami na ang iyang ngipon pero ang labanan gihapon kay ang talent added factor na. Kon naa'y sakto  nga  naka- handle sa career ni Marlou,  dili  na kinahanglan ang retoke pa, uyon ba ko? Well, iyaha nang kinabuhi dili  ko manghilabot. Ari ko sa  batasan ug talent  magyawyaw kay kun wala kay talent , unya gwapo ka sa basurahan ka puniton!

Jaypee: Di lang kaayo ta magpalabi mga cyst kay basig kanang atong mga gipangluwatang pulong batok ni Xander mobalik ra sab nato.  Mutuo  ra ba gyud ko anang Law of karma nga kung unsay imong buhatun sa imong isigka tawo mobalik ra sab na nimo.  Mao nang akong motto gyud,  “Do unto others and then run!” Ahw! On a serious note, feel nako kanang sige’g bash ni Xander laktud pagkasulti mga INSECURE ra na. Nganung manghilabot man gyud nga wala  man na manghilabot nila? Unsa paman diay laing rason sa sigeg pag-bash? Mao ra gyud na. Insecurities! Paet.

Sanden: Dili kita perpekto nga pagkatawo, seguro duna’y mga higayon nga duna’y dili maayo nga nasulti si Xander kaniadto batok sa iyang isigkatawo, sama na lang sa usa ka sikat nga aktres, apan nangayo na siya og sorry sa iyang gibuhat. Diha pa lang daan, dapat mohunong na unta ang iyang bashers. Igo lang nitrabaho si Xander, dili na kinahanglan nga mobiaybiay ta kaniya. Ang ubang bashers niya ,gadala lang og masla. Maglanlan pa mo og tuyom, kun makapanaway ,wagas kaayo, utro pud diay salawayon.

 Yuri: Sanden ayaw sad pagbuot nila, ayaw kuhai  ang ilang katungod.  Huna-hunaon nato ang freedom of expression.  Nganong nag artista siya? You cannot please everybody ,its part of his journey! Kun si Marlou si Xander, okey fine, pero unya ang batasan naapil og retoke? Maayo unta og naapil kay mas hugyaw! Kun dunay nasulti ang netizens meaning dunay impact..malain ka kun nagparetoke na ka unya gi deadma ka anang butanga maka ask ka asa pa dapat e retoke hahahaha. Mao nga accept it and the sweetest revenge: be at your best.

Sanden:  Okay fine Tita Yurs , dili ko magbuot-buot, igo ra ko ni-react kay gisamokan ra ko sa pagsige nila og bash kang Xander. Kanang mga suyaon, mapul-an ra na. Duna pu’y ubang personalidad no, nanaway kang Xander, basin lang gyud nasuya, kay wala mokisaw ang iyang pangalan sama sa nahitabo kang Xander. Husto na pagtamay-tamay kang Xander, ug bisan pa man niini, atung nasayran nga kanunay nga hugupan ang iyang mga mall show. Puwes, sikat gihapon uy.

Jaypee: Basta alang nako mga beshie hatagan lang gyud og chance ang hampaslupa nga si Xander. Hugyaw ra ba kaayo ang management nga nagkupot niya. Giatiman gyud siya og maayo. Left and right ang projects. Basta mao lang nang akong point gyud, kung i-prove ni Xander sa mga ni-bash niya nga dili siya ang type sa tawo nga midako ang ulo, ahw magdugay  gyud siya sa  industriya. Labanan ng wastong pag-uugali ang kailangan.  So far nakita man nako si Xander nga mapaubsanon sa iyang mga gipangbuhat. Busa alang sa iyang bashers, tak-uma ang inyung mga dili kaayo hulma nga ngabil. Paghilom sa mo.

Yuri:  Sa tanang ni-bash kang  Xander insecure lang mo.  Look at yourself and ask basin need naka’g retoke. Talented si Xander,  ikaw naa? Gwapo na siya, ikaw gwapo? Ug labaw sa tanan sikat si Xander, ikaw sikat? Kung ang  tubag kay, No-- better shut up!!! Hahaha.

Alang sa inyong mga komento, ipadala lang kana sa 09192422676 , ug imantala ang inyong mensahe sa “Akong Banat”  sa Kalandrakas section sa umaabot nga mga adlaw.  Butangi sa inyong pangalan ug address. (BANAT NEWS)