Jake Zyrus namakak?

CEBU, Philippines — Gibutyag  ni Raquel Pempengco nga namakak na pud ang iyang anak nga si Jake Zyrus   gumikan kay dili tinuod ang gilenggua niini nga matud pa nagtingog na silang duha.

Kahinumduman nga nipadayag si Jake sa miaging adlaw nga okay na sila sa iyang inahan.

"Ano bang klaseng pagtanggap ba ang gusto ni Charice? Wala na nga akong kaalam-alam sa mga pinaggagawa niya ngayon,” suma pa ni Raquel.

Tsika pa ni Raquel nga wala  gyud sila’y komunikasyon ni  Jake sukad kini nibiya sa ilang panimalay.

Do-Re-Mi nag-reunion sa entablado

Nagmalampuson ang  concert ni Regine Velaquez  niadtong Sabado sa gabii sa  Mall of Asia Arena.

Usa sa mga highlight niadtong gabhiona  mao ang production number ni Regine kung diin kauban niya sila si Donna Cruz ug  Mikee Cojuanco.

Nagkauban ang tulo kaniadto sa pelikulang Do-Re-Mi ug sila usab ang nagpasikat sa awit nga “I Can”  ug ilaha kining gikanta niadtong Sabado   nga nakadawat og sipa nga pakpak gikan sa audience.

Nagbaha ang mga suod nga higala ni Regine  atol sa iyang concert  ug pipila sa mga nisuporta kaniya mao sila si Richard Gomez,  Lucy Torres - Gomez, Vice Ganda, Jaya, Eric Santos, Jed Madella  ug uban pa.

Nakauban usab ni Regine sa  stage sila si Angeline Quinto, Jona, Julie Ann San Jose, Aicelle Santos ug  Morissette Amon.