Pag-ehersisyo sa atong pangutok

CEBU, Philippines — Nasayod ba ka’mo nga dili lang ang atong lawas ang nanginahanglan og ehersisyo kundili, ang ato usab nga utok?

Karon nga nasayod na kamo, angayan nga buhaton na sab kini ninyo ang mga tambag nga gikan sa www.viralventura.com

Suma pa sa maong website nga ang maong brain exercise nga naa sa ubos maoy magpalantip sa atong panghunahuna ug magpalambo sa kognitibong abilidad.

Dugang pa nga kun permanintihon ang pag-eherhisyo sa utok, makapalambo usab kini sa pagmugna og desisyon ug ang pagpahanas sa atong pagpanulti ilabi na atong mga pamulong nga atong buhian.

Magkat-on og bag-ong linggwahe.

Bisan og lisod  sabton kun ngano kinahanglan kining buhaton apan pinaagi niini, makaabli kini sa imong abilidad nga makahunahuna og lawom kun diin ang kinauyukang bahin sa imong panghunahuna, mogana usab. Tungod kay naglambigit kini og pagpaminaw ug pagpokus sa pagkat-on, mahimo kini nga makahatag og taas nga memorya ug madungagan ang imong bokabolaryo. Gani, usa usab kini sa hinungdan kun ngano mas makapabuhagay kita sa atong mga ideya ug mga gibati. Kun kanunay kini buhaton, makalikay kini sa Alzheimer’s disease.

Mag-sulbad og puzzles/crosswords

Mao kini ang makatabang aron mas dali ra nimo masulbad ang imong mga problema. during your free time. Gawas sa puzzles, mahimo usab nga magduwa og scrabble, sudoku, chess,  ug rubik’s cube.  Suwayi ang games nga maglambigit og "decision making " ug  "strategic thoughts". Duna pu'y  memory games nga uso kaayo online.

Magpili og bag-ong kalingawan.

Mao kini ang labing epektibo nga workout sa pangutok gumikan kay masuta nimo ang imong ubang talento. Ang imong creative skills sama sa pagkahilig og musika, pagsayaw ug ang pagmugna og art ug makahatag kini og katagbawan nga dili nimo makuha sa uban. Gani, ang kanunay nga pagdiskubre kun unsa pa ang mahimong kahibulungan nga mga buhatunon sama sa pagbiyahe,  pagbasa og mga libro, pagduwa og mga nagkadaiyang mga sports, maoy makapalikay sa depresyon.

Pagluto

Ang pagluto mogamit sa atong senses sama sa atong sense of smell, touch, sight ug taste nga adunay kalambigitan sa atong pulos sa atong utok.  Ang pagluto usab ang motabang aron magpalambo sa atong memorya.

Pag-take down og notes

Mas labing maayo nga gamiton gyud ang tradisyonal nga pamaagi sa pagsuwat pinaagi sa pagamit sa kamot, ballpen ug papel tungod kay mao kini ang labing sayon nga pamaagi sa pag-ehersisyo sa utok. Gituohan sa   psychologists nga ang pagsuwat maoy adunay mas malungtaron nga memorya. Gani, mas magamit niini ang ubang parte sa imong utok kun magsuwat tungod kay mas nagamit niini ang imong lawas sa pagbuhat dungan sa paghunahuna.