Showbiz kaayo

CEBU, Philippines — Wala muklaro og tubag si Angel Locsin sa dihang gipangutana sa latest status nila ni Neil Arce.  Gibutyag ra sa aktres nga malipayon ra sila karon.  “Happy kami kung ano kami. We’re very happy. Hindi kami nagmamadali pero sigurado naman kami sa isa’t isa,” suma pa sa aktres.

Lahi nga ending

Gikatahong mugnaan og lain nga ending ang pelikulang 100 Tula Para kay Stella nga gibidahan ila ni Bella Padilla ug JC Santos.   Posibleng  sa social media ang market niini busa naghinam-hinam na ang viewers sa alternate ending sa istorya nila ni  Fidel ug Stella sa maong pelikula.

Danita mitin-aw sa isyu

Hugtanong gihimamak ni  Danita Paner ang report nga matud pa gisulong sa iyang inahan nga si Daisy Romualdez  ang  La Luna Sangre director nga si Cathy Garcia-Molina. Kini human nakatilaw og kasaba si Danita gikan kang Direk Cathy atol sa taping. Matud pa ni Danita nga wala kini gisulong, igo ra nag-istoryahanay ang iyang inahan ug si Direk Cathy.Sa laing bahin, nipirma og  kontrata si Danita sa  Viva Artists Agency niadtong Huwebes.  Masaligon si Danita  nga makabaton og  daghang proyekto.  

Dili modawat

Dili modawat si Kim Chiu sa itawag sa mga tawo kaniya  nga siya ang bag-ong horror queen.  Suma pa ni Kim nga taas siya og respito kang Kris Aquino nga mao gyud ang naghupot sa maong titulo. Si Kim maoy  bida sa umaabot nga horror movie sa Star Cinema nga The Ghost Bride. Nalakip usab kaniadto ang aktres sa laing horror movies nga nag-ulohan og  Shake, Rattle & Roll X ug The Healing nga puros  mi-click  sa takilya.

Mike ug Yasmien suwayan

Human gipatay ang iyang karakter sa  Ika-6 Na Utos,  aduna’y follow-up project si Mike Tan sa GMA-7 ug siya ang  leading man  ni  Yasmien Kurdi sa  umaabot nga Kapuso series nga   Hindi Ko Kayang Iwan Ka.  Gihimo na sa miaging adlaw ang story conference niini. Makauban nila sa maong serye sila si Martin del Rosario, Ina Feleo, ug Jackie Rice .

Posibleng magbalik

Gibutyag ni  Robi Domingo nga wala niya sirad-i ang posibilidad nga magkabalik sila  sa iyang ex-girlfriend nga si Gretchen Ho.  Magsige gihapon og uban ang duha gumikan  sa ilang mga hosting gig.

Nakadaog sa NY

Nakalangkat og mga pasidungog  didto sa New York  ang pelikula  ni   Matteo Guidicelli nga  Across the Crescent Moon. Sa bag-ohay lang nga  International Film Festival Manhattan, ang maong pelikula maoy nakalangkat sa  Best Global Feature Film award ug  Best Ensemble Acting award.

Mao na gyud kaha?

Giangkon ni Myrtle Sarrosa nga duna siya’y non-showbiz suitor. Napanglantawan niya nga iyaha gyud kining makauban sa tibuok niya nga kinabuhi.

Nagkat-on og sayaw

Mapasigarbohong  gibutyag ni Kisses Delavin nga nasugdan na niya ang iyang  dance lesson sa  G-force. Matud pa ni Kisses nga nag-enjoy gyud siya og maayo ug dako gyud ang matabang niini sa iyang pagka-artista.

Magpaputol sa buhok

Sa higayon nga mahuman na ang promosyon  sa  pelikulang Ang Panday ug sa taping  sa seryeng Ikaw Lang Ang Iibigin,  gusto ni Jake Cuenca nga magpaputol sa iyang buhok ug iyaha kining idonar sa mga nanginahanglan. Matud pa sa aktor nga oras na nga makabaton og new look.

Xander motikang sa Sugbo

Malipayong gipahibalo sa ilado nga talents supplier sa Sugbo ug nagdumala sa  M-Talents Events and  Promotions  nga si Aida Patana nga motikang  dinhi sa Sugbo ang online sensation nga si Xander Ford.

Mohatag og kalingawan si Xander sa mga Sugbuanon karong October 26 sa alas 5 sa hapon diha sa 138 Mall.

Siya usab ang special guest sa pagahimoon nga pre-Halloween party diha sa City Time Square sa Mandaue City karong October 27 sa alas 7 sa gabii.

Makauban usab  sa maong show ang anak nga kaluha ni Ms. Aida nga sila si Shiela ug Shiena nga gidumala na sa Star Image nga maoy naghupot sa career ni Xander.

Nailhan sila si Shiela ug Shiena gumikan sa hugyaw nila nga talento sa pagsayaw ug gipaabot nga makabaton sila og career didto sa kaulohan. 

Friends ra gyud!

Giklaro sa Cebuana singer nga si Morissette Amon nga suod ra gyud niya nga higala ang  aktor  nga si Marlo Mortel.

“Friends lang po kami. We help each other out, naging close lang kami kasi,” saysay pa niya ngadto sa  showbiz website nga PUSH.

Dugang pa sa singer nga wala  manguyab kaniya si  Marlo ug tataw nga wala sila mohatag og malisya sa ilang kasuod.

Kris nakasinati og depresyon

Giangkon ni Kris Aquino   nga nag-agi pud siya og depresyon   gumikan sa pagkawala na niya sa  kalibutan sa showbiz dungan usab sa pagkapupos sa termino sa iyang igsuon nga si Noynoy Aquino isip presidente sa nasud.

Nasayran nga kapin na sa usa ka tuig nga nawala sa telebisyon si Kris human kini nibiya sa poder sa ABS-CBN.

Sa iyang latest Instagram post, gisaysay ni Kris ang iyang gibati ug kung giunsa niya kini pagsagubang .

“Soul baring time- there was a period of time when I was depressed & scared that all doors were closing.My sisters were worried because I wasn’t me, I shut down, kept to myself because I didn’t want to burden them w/ my insecurities.My sons & I were financially secure BUT it was painful to not have a venue to continue doing what I love most- connecting w/ you & entertaining you…” tipik sa post ni Kris.

Apan anam-anam nga nahupas ang maong kagul-anan  human  nakakita siya og butang nga makapalingaw niya partikular na ang pagsulod sa digital world.

“But God blessed me w/ a new team that restored my confidence... we chose to just keep going & not give up... And my sisters, sons, & i kept PRAYING.Today was a victory, because we signed a new endorsement & it is a perfect match for the new online platform we envisioned & continue to build,” dugang pa niya.

Transgender sa Playboy Magazine

Sa labing unang higayon, sa ika-64 ka tuig sa kasaysayan,  ang Playboy magazine mo-feature  og  transgender Playmate.

Suma pa sa report sa www.nytimes.com, nakahukom ang top executive sa maong magazine nga si Cooper Hefner nga  mohangop og mga kabag-ohan.

 Ang French model  nga si Ines Rau, 26 anyos , maoy molugwa sa  November centerfold , magsilbi kini nga first issue human sa kamatayon sa founder sa maong magazine nga si Hugh Hefner.

“It’s the right thing to do. We’re at a moment where gender roles are evolving,” suma pa ni Mr. Hefner.

Gipili niya si  Ms. Rau sa rason nga duna kini“lovely” ug “ remarkable personality” .

Nakahilak si Ms. Rau sa  dihang gisultian siya nga mahimong kabahin sa Playboy.

 “It was a compliment like I’ve never had. I’ve had a lot of beautiful compliments from gentlemen before, but this one really made me feel very special, beautiful and feminine. I was speechless,” saysay pa niya. (BANAT NEWS)