Miangkon na gyud

CEBU, Philippines — Miangkon na si  Daniel Matsunaga nga uyab sila sa 19-anyos nga  Polish model nga si Karolina Pisarek. Kahinumdoman nga nisalmot si Karolina sa  Poland’s Next Top Model Cycle 5 niadtong  2016.  Giandam na daan ni Daniel ang iyang kaugalingon sa paghupot og long distance relationship.  Una na nga gibutyag ni Daniel nga hagbay ra siya naka-move on sa breakup nila ni Erich Gonzales.

Tourist spots gi-promote

Gi-promote og todo sa Film Development Council of the Philippines (FDCP) nga gipangulohan ni  Liza Diño ang hugyaw nga mga lugar sa Pilipinas aron mataypan kini sa mga international  movie producer. Katambayayong niini ang Tourism Promotions Board nga gihuptan ni  Cesar Montano.  Sa maong programa, madasig ang ubang film producer sa laing nasud nga i–shoot dinhi sa Pilipinas ang ilang mga pelikula.

Sekreto ni Julia

Tsika pa ni Julia Barretto  nga bisan sa iyang ka-busy, dili  gyud  niya kalimtan ang pag-workout.  Mao kini ang rason  nga  hugyaw kaayo ang iyang abs. Saktong disiplina ra gyud ang gikinahanglan sa pamaagi nga iyang gisunod.

The One That Got Away

Si Dennis Trillo maoy leading man nila ni  Rhian Ramos, Max Collins, ug Lovi Poe sa upcoming primetime series sa Kapuso Network nga The One That Got Away.  Malakip usab ang bag-ong Kapuso star nga si Jason Abalos sa maong proyekto.

Fall Back

Usa si  Rhian Ramos sa  mga  bida sa pelikulang  Fall Back nga ubos sa  Cineko Productions.  Makauban niya  sa maong pelikula sila si Zanjoe Marudo ug Daniel Matsunaga.

Wala’y labot

Gipahibalo ni Enrique Gil  nga wala siya’y labot sa upcoming movie ni Liza Soberano nga Darna. Suma pa sa aktor nga daghan na kaayo og nangutana kaniya kalabot niini busa niisyu na lang siya og statement.

Ogie mi-renew sa ABS

Mi-renew si  Ogie Alcasid sa iyang kontrata sa  ABS-CBN sa  miaging adlaw.   Gidungog nga hatagan og gag show si Ogie sa maong network.  Kahinumdoman nga nagdugay kaniadto si Ogie sa gag show sa GMA-7 nga Bubble Gang.

Ikaduhang hugna

Puwerting lipaya ni Beauty Gonzales human siya nakadawat sa balita nga dunay book two ang serye niya sa ABS-CBN nga Pusong Ligaw. Nagpasabot kini nga magdugay pa sa ere ang maong serye.  Dili pa lang dugay, gikagubtan sa viewers ang confrontation scene nila ni Bianca King.

Excited sa resulta

Pangandoy gyud ni  Bailey May  nga makabaton  og international career  busa nagpanikad na siya sa mahimong resulta sa mga tawong malakip sa pop music group ni Simon Fuller nga Now United.  Nasayran nga i-anunsyo karong Nobiyembre ang mga pangalan nga malakip niini.  Ni-audition si Bailey sa maong grupo sa miaging buwan.

Derek nagmalaumon

Gipahibalo  ni  Derek Ramsay  nga bad boy ang iyang karakter sa upcoming movie nila ni Jennylyn Mercado nga All Of You.  Nagmalaumon si Derek nga mo-click kini sama sa nahitabo sa pelikula nila kaniadto ni Jen nga English Only, Please.

P2M gibalibaran ni Alessandra

Giangkon ni Alessandra de Rossi nga  human sa kalampusan sa pelikula nila ni Empoy Marquez,   ubay-ubay nga mga kompanya ang buot mokuha kaniya isip endorser.

Malipayon usab siya alang kang Empoy gumikan kay nagbaha na ang mga endorsement niini.

Apan sa  habig kang Alessandra, duna’y ubang offer ang wala niya  dawata  sama sa usa ka ilimnong makahubog, diin P2 million unta ang talent fee niini.

“Honestly, masyado akong maraming tinanggihan. Si Empoy, tanggap nang tanggap and I love him for that,” bulalas niya. Like for example, isang brand ng liquor, may offer na P2 million. Ayokong mag-endorse ng alcohol. Kumuha na lang sila ng babae na makakasama ni Empoy,” saysay pa niya ngadto sa showbiz website nga PUSH.

Duna  pu’y motel nga gustong  mokuha sa “Alempoy” isip endorser   apan wala usab kini dawata ni Alessandra.

“May tinanggihan din kami ni Empoy, ito funny, huwag mo na lang ding sabihin, kinuha kaming endorser ng motel/hotel. Hahaha! Yung parang, ‘Seryoso ba kayo?’ Kissing scene nga ayoko tapos ilalagay n’yo ako diyan?” nagkatawang gibutyag sa aktres.

Maja gidayeg sa Kapuso stars

Nakadawat og mga pagdayeg   ang fight scene nila ni  Maja Salvador  ug  Dawn Chang  sa seryeng  Wild Flower niadtong  Miyerkules sa gabii.

Pipila sa nahugyaw niini mao ang Kapuso stars nga sila si Pauleen Luna ug Carla Abellana.

Sa maong eksena ,  napungot si  Lily Cruz (Maja) sa babaye nga nisuway og bomba sa iyang building  hinungdan nga  iya kining gikulata.

"Ikaw na maj!!!! This is awesome!”, suma pa sa  Instagram post ni  Pauleen.

Samtang si Carla ni-post sa comment section og,” "Bravo!!!!" 

Whang-ud ug Coco nagkakita na!

Sa talagsaong higayon, temporaryong nidulhog sa patag ang sikat nga labing tiguwang nga tattoo artist sa Kalinga nga si Apo Whang-ud.

Nitikang sa kaulohan si Apo aron makakita sa iyang idolo nga si Coco Martin.

Puwerting lipaya sa 100 anyos nga si Whang-ud  sa dihang nahimamat na gyud niya ang iyang idolo nga nipadala niya og regalo niadtong Hulyo.

Suking viewer si Whang-ud sa primetime series nga Ang Probinsyano.

Gipasakay siya og helicopter gikan sa  Buscalan, Kalinga.

Kahinumdoman nga nisikat ang iyang pangalan gumikan sa  documentary  sa  Discovery Channel niadtong 2009. (BANAT NEWS)