Xander mibugal-bugal kang Kathryn
CEBU, Philippines — Gipanalipdan sa pipila ka mga artista si Kathryn Bernardo human kini gibugal-bugalan ni Xander Ford sa usa ka viral video.
Nikatap ang video ni Xander niadtong Biyernes, apan panahon pa kini sa dihang nagtangag pa siya sa pangalan ni Marlou Arizala.
Ni-post sa social media sila si Karla Estrada, Gretchen Ho, Alyana Asistio, ug Sophia Andres nga giingong nisaway sa batasan ni Xander.
Matud pa ni Karla nga kinahanglan gyud nga dili mosulti og bata sa isigkatawo.
Samtang si Gretchen nilenggua og : “Just because you’ve overcome your battles doesn’t mean you have a right to bash others. Remember when you yourself were there?”
Sa usa ka video, giingong nitamay-tamay si Xander kang Kathryn nga matud pa bakang og tiil.
“Pino-promote ko pala yung palabas namin na La Luna Sangre. Gusto ko palang po sa inyo na ano... spoiler po talaga ‘ko. Gusto po lang po sa inyong ibunyag na yung lobo pong ginagampanan ni Kathryn Bernardo, sakang po yon. Kaya po sa mga naniniwalang gustong maging No. 1 FHM model si Kathryn Bernardo, huwag na po kayong umasa,” tipik sa linya ni Xander.
Nagpakahilom lang si Kathryn niini apan duna siya’y gi-post sa Instagram nga tataw nipadungog-dungog kang Xander.
“Being called names is painful. But one good thing about pain is it teaches you something. It teaches you that you are more than hurtful words and labels. You are more than the flaws that people see. You are more than their victim. Choose to stand up against cyberbullying and BE MORE!,” suma pa ni Kathryn.
Bisan pa man sa paghimakak ni Xander kalabot niini, nangayo rapud siya og pasaylo kang Katthryn.
- Latest