Tinud-anay nga higala
CEBU, Philippines — Gibutyag sa Kapuso actress Glaiza de Castro nga siya ang kanunay nga motabang sa bestfriend nga si Angelica Panganiban aron maka-move on gikan sa pakyas nga mga relasyon niini ilabi na sa breakup niini ngadto sa Kapamilya aktor nga si John Lloyd Cruz. “Lagi kong sinasabi sa kanya, ‘Tara, saan tayo pupunta?’ Tina-try ko na ‘wag mag-dwell dun. Tina-try ko na ilagay siya dun sa mas mga positive na experience,”paambit pa ni Glaiza.
Dakog tsansa
Universe Philippines 2016 Maxine Medina, dako og tsansa nga masakmit ni Winwyn Marquez ang korona sa Reina Hispanoamericana nga ipahigayon sunod buwan didto sa Bolivia. “Bakit hindi, di ba? Ang dami-daming Pilipina na magaganda, matatalino, mas magagaling kaysa sa ibang countries na girls. And I mean, well, bakit hindi?”sigon pa ni Maxine.
Kaluha nga lalaki
Malipayong gianunsyo sa aktres nga si Jerika Ejercito nga kaluha ang umaabot nga anak nila ni Miguel Aguilar. Ang magtiayon nipahigayon og gender-reveal party niadtong Sabado. Kahinumduman nga adunay anak ang aktres ngadto sa aktor nga si Bernard Palanca sa wala pa gikasal ngadto ni Miguel.
Pakpak o Palpak?
Gi-post sa Instagram sa hairstylist nga si Sunmark Retiro Alonsabe ang bag-ong hairstyle sa La Luna Sangre star nga si Kathryn Bernardo. Gibalik sa 21-anyos nga aktres ang iyahang “long bob hairstyle” niadtong 2014. Nikisaw ang nagkalain-laing reaksyon kabahin sa new look karon sa Kapamilya actress.
Mokiha sa bashers
Pursigido gyud ang komedyanteng si Ai-Ai delas Alas nga mopasaka og cyber libel cases batok sa bashers sa iyang hinigugma nga si Gerald Sibayan. Nasakitan matod pa ang Comedy Queen sa pagpangtamay nga nadawat ni Gerald kinsa gipasanginlan nga tapulan ug nangwarta lang ngadto kaniya. Gisigurado sa aktres nga andam siya makig-away kung hilabtan na ang mga tawo nga espesyal sa iyang kinabuhi.
Gibastos sa langyaw
Miawhag ang former PBB housemate nga si Mich Dulce ngadto sa netizens nga i-share sa social media ang gi-upload niya nga video mahitungod sa komprontasyon niya sa usa ka langyaw nga gipasanginlan niya nga nihikap sa iyahang sampot sulod sa usa ka bar didto sa Makati. “This post is public and I encourage you to share and shame this f*cking idiot. He said he lives here so let’s ruin his life,”tipik sa post niini.
Mogamit og interpreter
Gikatakdang mogamit og interpreter si Winwyn Marquez atol sa Reina Hispanoamericana 2017 pageant isip pagsanong sa sugyot sa pageant organizer niini. Miangkon ang beauty queen nga dili siya bansay molitok ug mogamit sa pinulongang Español nga maoy official language sa maong pageant.
Milaban ni Kathryn
Miawhag ang singer-actor nga si Khalil Ramos ngadto ni Xander Ford nga mangayo og pasaylo ngadto ni Kathryn Bernardo kung tinuod man gyud ang nag-viral nga audio clip nga gisaway niya ang bitiis sa LA Luna Sangre star. Dugang pa niya, dili dapat pasagdan lang ang ingon ana nga batasan. Suod nga higala ni Khalil ug love team nga si Daniel Padilla ug Kathryn.
Gipangandoy si Bella
Gibutyag sa Kapamilya hunk actor Zanjoe Marudo nga ganahan siya makig-uban ni Bela Padilla sa pagsuwat og istorya kay hilig sab siya maghuna-huna og konsepto sa usa ka salida. “Oo naman open naman ako sa ganon kasi ako naman mahilig din ako mag-isip ng mga concept,” matud pa niya.
- Latest