Palpak Loveteam!

Maayong Sunday sa atong mga KaBisChika! Hapit na nga mo duha ka buwan ang akong mga mugna nga challenges sa akong mga gipangkaon. Kini nga challenge kay gi mentor sa akong kanhi kauban sa trabaho nga dugay na nga vegan-- meaning dili na mokaun og meat. NaHugyaw siya pagkita namo ug na worry kuno siya sa akong lawas nga murag aliwas..hahahahaha! Mao nga ang challenge niya nako mao ang mga No! No! No! for 21 days. Nagsugod ko og No Pork – naa may events maglaway ko sa inasal pero sige lang kay challenge lagi, bahala ang humba lata kaayo, piyungan na lang gyud. Sunod kay No beef–go lang gihapon, ug unya No Chicken–ang gibuhat lang gyud nako kay sige lang og isda plus vegetable. “I’m inlove with my body”. Hahahaha! Unay-unay ang show!

***

Speaking of show mga KabisChika, mapasalamaton kaayo ang inyong Yur’s truly kay aduna koy mga raket nga para paugnat sa kusog. Pasingot to the max gyud! Ang HotRocks Zumba Event Management bag-o lang nagpahigayon sa ilang HotRocks Zumba Dance Concert, this is in line with the birthday of HotRocks Princess SheilaZin. Mas naHugyaw pa gyud kini kay ang very special guest mao ang very hot and sexy Ina Raymundo. Ingon pa sa ilang tagline “ Dance More, Worry Less”. Congratulations to the HotRocks Zumba Event Management sa tanang staff and crew. To ZinChris nga mao usab ang direktor. More Zumba event is coming to town labi na ang December kay nagkaduol na! Eat and Exercise gyud ta!

Kinsa siya???

Kinsa siya kining love team nga wala gyud nasuccessful? Tungod kay bag-o pa man ang aktres showbiz ug aduna siya hugyaw nga launching nga teleserye, siyempre naa siya’y ka loveteam. Pero ang nahitabo ang love team nga gimugna lang dili gyud magdugay. Aduna’y usa ka event nga guest ang love team, pagkahuman nila og perform on stage nga sweet kaayo ig abot sa backstage deadma na lang dayon mura’g wala’y nahitabo. Planggana! Sa dili pa sila mogawas sa dressing room, mo lenggua dayun ang handler nga “ dapat sweet kayo “ O, di ba mura’g friendly reminder? Pagkahuman sa ilang teleserye nawala na dayun ang love team. Hahahahahha! Ang ending ang leading man nawala na pud og kalit sa showbiz. Ang aktres naa pa gihapon sa industriya.

Kinsa si leading man, kaliwat og mga artista, Kinsa si aktres? Kaliwat pud og mga artista! Yon na!