Banat ( Leaderboard Top ), pagematch: 1, sectionmatch: 1

“Femme Fatale: The Binibining Cebu Evening Gown Competition”

CEBU, Philippines — Daw eksena sa pelikula ni James Bond. Kini maoy senaryo sa hugyaw nga pagrampa sa 54 ka maanyag nga kandidata sa Binibining Cebu didto sa  Centerstage, SM Seaside ubos sa  programang gitawag og  “Femme Fatale: The Binibining Cebu Evening Gown Competition”.

Dinuyugan  kini sa Cebu Philharmonic Orchestra nga gidumala ni Maestro Jiovanni Tabada uban usab sa  multi-awarded singer ug songwriter nga si  Radha Cuadrado,  Joanna “JJ” Jane Ang ug Benjamin Layos.

Pipila sa ilang mga giawit gikan sa pelikula nga 007 mao ang “Diamonds Are Forever,” “From Russia With Love,” “Golden Eye,” “View To A Kill,” “For Your Eyes Only,” “Gold Finger,” “The World Is Not Enough,” “Live And Let Die,” “Skyfall” ug “Die Another Die”

Gipaso sa mga mabihagon nga mga kandidata ang ilang mga elegante nga mga gowns sa talagsaon nga entablado nga mugna sa mga nagkadaiyang local designer nga personal usab nga gipili sa mga kandidata.

Gibutyag sa multi-awarded furniture designer ug creative producer sa Binibining Cebu nga si Kenneth Cobonpue nga siya mismo ang nagmugna sa maong konsepto, ilabi na sa stage design.

 “The challenge is that we have a very limited stage and all the action is right in there, and there are heights. I designed the stage this way like a ramp which they had to rehearse because there are gowns that are long and it’s very difficult for the candidates to walk down”, suma pa niya.

Gipasabot usab ni Cobonpue nga aduna sila’y kwalipikasyon sa pagpamuntos sa mga kandidata sa evening gown.

“It was judged based on their beauty of face, poise and bearing, and regality on how they carry their evening gowns”, siya nagkanayon.

Matud pa niya nga nisamot gyud og lutaw ang kaanyag sa mga kandidata niadtong higayona.

Dili basta-basta alang kaniya ang mga Sugbuanon sanglit kanunay gyud kini mosidlak sa bisan asa’ng  aspeto.

Dako siya og pasalamat sa mga LGU  sa paghatag og kooperasyon sa maong indigay.

Kauban usab niya isip mga hurado sa gown competition mao sila si  Divine Lee-Go, Dr. Potenciano “Yong” Larrazabal, Jacqueline Tan-Sainz, ug Njel de Mesa.

Ang Evening Gown Competition naglangkob kini sa 25% sa overall score nga maoy motuboy kun kinsa ang angayan nga makasulod sa Top 20 nga mao na lamang ang isangka sa coronation night karong Oktubre 28 diha sa Waterfront Hotel and Casino.

Sa maong  pageant,   aduna’y nakalinya nga mga init nga surprisa  ilabi  na sa lain napud nga hugna sa engrande nga stage.

Vice ug Coco nag-away?

Niulbo ang tsika nga bugnaw og tinagdan sa usa'g-usa sila si Vice Ganda ug Coco  Martin.

Apan sa habig ni Vice, nitataw kini nga kung siya ang pasultion, wala sila’y problema  ni Coco .

“For me ha, I cannot speak for anyone else pero kung ako tatanungin niyo, I’m okay with him,” saysay pa niya ngadto sa Push.com.ph.

Usahay na lang sila nga magkita gumikan sa ka-busy sa ilang mga career.

Busy  si Vice sa pelikulang  Gandarrapiddo: The Revengers, samtang  si Coco nalakip usab sa  Ang Panday nga entry sa Metro Manila Film Festival 2017.

“So kung may free time siya for sure mas gusto niyang kausapin ang nanay niya at tsaka lola niya kaysa sa akin. Ako rin kung may free time ako, nanay ko na lang din muna ang tatawagan ko kaysa sa ibang tao,” dugang pa ni Vice. (BANAT NEWS)

  • Follow Us: