Nadine gi-dengue

CEBU, Philippines — Gipahibalo sa Kapamilya actress nga si  Nadine Lustre ngadto sa iyang  fans nga na-diagnose  siya og dengue. Miangkon ang It's Showtime host nga duha na ka-semana niyang nabatyagan ang sintomas sa maong sakit apan gibaliwala lang niya kini. Kasamtangan nga nagpatambal ang aktres karon.

Angayan lang gyud

Gibutyag sa aktres ug  script  writer nga si Bela Padilla nga deserving ra gyud nga motupad niya ang ex-boyfriend nga si Neil Arce atol sa presscon sa bag-ong pelikula sa Star Cinema nga nag-ulohan og  "Last Night" kay silang duha ang nag-conceptualize sa pelikula."He deserves the seat. He's one person who conceptualized the movie with me," sigon pa niini.

Naguol sa nahitabo

Gikasagmuyo og maayo nila ni  Kisses Delavin ug Marco Gallo ang nadunggan nila nga  balita nga  adunay nasakpan sa usa sa ilahang fans nga nag-camcord sa ilahang pelikula nga Loving In Tandem. Gibutyag sa duha nga dako silang supak sa gibuhat sa ilahang fans ug nanawagan sila nga  magtinabangay sa kampanya  batok  sa movie piracy.

Romansa tips

Nikatap karon sa social media ang private conversations nilang Lucy Torres-Gomez ug Ellen Adarna sa Instagram diin gisungog sa nauna si Ellen mahitungod sa romance nila sa  rumored boyfriend niini nga si John Lloyd Cruz.“Gamita na ang kandila. Romansa is alive and live!" sugyot pa ni Lucy ngadto sa Sugbuanong aktres.

Dugang entourage ni Ai Ai

Gipanganlan na sa comedy queen Ai-Ai delas Alas ang pipila ka celebrities nga lakip sa entourage sa gikatakdang kasal nila ni Gerald Sibayan karong Disyembre 12. Nag-una silang Vilma Santos, Sharon Cuneta, Regine Velasquez, Piolo Pascual ug Alden Richards. Sunod tuig pa unta planong magpakasal ni AiAi apan nakumbinsir kini sa tambag sa usa ka obispo nga karong tuiga na lang kini buhaton.

Nahugyaw sa performance

Nahugyaw ang X-Factor UK judges sa performance sa former  The Voice Philippines runner-up ug karon contestant sa maong kompetisyon nga si Alisah Bonaobra human nikanta sa kaugalingong version niini sa kantang "Listen" ni Beyonce. “I always think, you know, that a lot of people where you are from are amazing singers,” sigon pa sa hurado nga si Simon Cowell.

Working birthday

Bisan sa iyahang adlaw'ng natawhan,  trabaho gihapon ang giatubang sa 2015 Miss Universe Pia Wurtzbach. Sigon pa sa post sa Instagram account sa beauty queen, “A working birthday is a lucky birthday”.  Lakip si Pia sa pelikulang Gandarrapido: The Revengers Squad kauban silang Vice Ganda ug Daniel Padilla. Nalakip ang maong pelikula sa  Metro Manila Film Festival 2017.

Tambag ni sister

Mihatag og tambag mahitungod sa kaminyoon ang aktres nga si Ruffa Gutierrez ngadto sa igsoon niini nga Richard Gutierrez ug sa nagsabak nga si Sarah Lahbati. "When you’re married hindi naman it’s all honeymoon time, it’s not all good times. What’s important is malampasan niyo yung mga bad times. And you have to be there for one another," pamunto pa niini.

Suod na daan

Gibutyag sa talent manager nga si Angeli Valenciano nga sukad pa kaniadto, giisip na niya nga parte sa pamilya si Sam Concepción. Bata pa lang kini  nagkauban na ni Sam ang  anak ni Angli nga si  Paolo Valenciano sa nagkalain-laing performance. Dugang pa niya, ultimate fan ni Kiana Valenciano si Sam sukad pa kaniadto. Hagbay ra nga gidungog  nga   dunay relasyon sila si Kiana ug Sam.

Gihangop sa viewers

Giuwan og pagdayeg ang pagbalik sa Diamond Star  nga si Maricel Soriano sa Maalaala Mo Kaya  niadtong Sabado. Nipahilak sa viewers ang istorya sa usa ka inahan nga gidala ni Maricel nga wala'y puas nga nipakita og pagmahal ngadto sa sinagop nga anak kinsa gihatagan og kinabuhi ni JC de Vera. ( Junas Dungog Flores)

Gipaubos na sa look test

Magpares sa pelikulang Mr. and Mrs. Cruz  sila si JC Santos ug  Ryza Cenon  busa gipaubos na sila  og look test niadtong Sabado.

Gipakulot ang ilang mga buhok   busa   bag-o sa mata sa mga tawo ang ilang hitsura.

Puros  mga bitoon sa Viva  ang nahisgotan nga mga artista ug mao kini ang labing unang higayon nga magpares sila sa usa ka proyekto. 

Dingdong magpabilin sa Philippine Navy

Mi-renew  ang  Kapuso Primetime King nga si  Dingdong Dantes isip reserved force sa Philippine Navy.

Tuig  2006 sa dihang nagpasakop  ang aktor sa   maong  grupo. Kabahin siya sa  technical service battalion nga gilangkoban sa mga doktor, abogado, ug uban pa nga mga propesyonal.

Todo bilib usab sa aktor  ang iyang asawa nga si  Marian Rivera gumikan kay nigahin gyud kini og oras sa pagpangalagad bisan pa man sa ka-busy sa career ug pamilya niini. (BANAT NEWS)