Fashionable Friday; Angela: Late Bloomer But Doing Well

Fastfacts

Angela Dado

Name of Boutique Disegno Dado

Address Piazza Elesia, Gov. M. Cuenco Ave.,Talamban, Cebu

Age 52

Place of Birth Batangas Province

Facebook Page / Accoun twww.facebook.com/disegnodado

Motto Take (and enjoy) one day at a time.

"Life is short so we should make the most out of it while we still can."

Mao kini ang gipahimug-atan ni Angela Dado nga lumad sa probinsiya sa Batangas kinsa taod-taod na nga nagbase sa Sugbo,  nga gihulagway niya nga ikaduhang  pinuy-anan sa  iyang kasing-kasing.

Dili  sama sa mga nabantog nga designers nga sa linghod pa nga pangidaron nagsugod, nadiskubrehan ni Angela ang paghigugma sa kalibutan sa fashion designing sa dihang hapit na siya motungtong og 50 anyos.

Alang kaniya, dili babag ang pangidaron sa pagkab-ot sa laing hugna  sa kinabuhi nga gusto nimong matagamtaman.

Inspirasyon niya niining tanan mao ang iyang hinigugmang bana nga matud pa niya suportado siya sa tanan niyang gusto ug ang iyang mga anak ug mga ginikanan.

"Goals can be achieved and life can be lived wonderfully if we are determined to attain them. Many would probably say that I cannot make it here kay late na kaayo ko nagsugod sa fashion industry. Pero , as long as I do my work well and clients are still there to appreciate the products that we make, I’d feel happy and accomplished of doing something productive," si Angela nagkanayon.

Giangkon niya nga wala gyud sa iyang plano ang mamahimong fashion designer.

Naagni lamang siya niini sa dihang ang iyang anak nga si Mara, iyang gikuyugan kaniadto sa pagpa-enroll sa Fashion Institute of Design and Arts o  FIDA sa Sugbo arun mukuha og fashion design course.

Matud niya niadtong panahona, excited kaayo siya alang sa iyang anak apan kalit nga nisantop sa iyang hunahuna nga mas exciting kon dungan sila nga magpa- enroll ug dungan nilang makat-unan ang mga butang ug importanteng detalye sa fashion world.

Tuod man, ang FIDA maoy nahimong sumbanan sa pagkat-on nila sa kalibutan sa pagdesinyo.

Tuig 2013, dungan silang migradwar sa iyang anak sa kurso nga ilang gikuha.

Sa maong higayun, matud niya lahi nga kalipay ang iyang nasinati ug sa susamang panahon dungan nilang gipabarog sa iyang anak ang "Disegno Dado" boutique nga hangtud karon, padayun nga naglawig ug nagsaba -saba sa fashion scene sa Sugbo.

"Until now, we are still continuously learning and trying to improve on the services that we offer. We hope to continue doing what we love to do. Steadily improve and add to the skills that we have, serve and satisfy more clients up ahead and enjoy in the process of doing so," matud pa niya.

Giangkon ni Angela nga dili sayun ang pagsugod nila sa ilang negosyo sanglit sa panahon nga ilang giablihan ang ilang boutique, ubay ubay na sab ang ilang mga ka-kompetinsya.

"Sa una, usahay wala'y mosulod bisan usa in a week or so. We were happy to get orders even for very low rates, sometimes maalkansi pa kay masayop sa costing or kinahanglan i-change ang materials. But as time went on, and our skills slowly got honed into much reliable levels, clients also started to increase. I think this is a natural course for new businesses nga naa gyuy mga birth pains," saysay pa ni Angela.

Alang kaniya, labing dakong kalampusan alang sa usa ka designer ang makapadagan ug magkabaton og kaugalingong shop.

Matud pa niya nga padayun siyang mokat-on ug mopalambo pa sa iyang kaalam sa pagdesinyo sa matag adlaw niyang kasinatian niini dungan sa iyang pag-explore sa Filipino-made fabrics.

Pangandoy sab karon niya nga makasuroy sa mga nagkadaiyang fashion capital sa kalibutan.

Ang iyang mga idolo mao sila si Michael Cinco, Georgina Chapman ug Keren Craig, pipila sa mga pangalan nga mopatigbabaw kong fashion designing na ang hisgutan.

Usa sa sikreto nga gipaambit ni Angela sa padayung pagsaka sa iyang mga kliyente mao ang taas niya nga dedikasyon sa  iyang trabaho arun makamugna og well-crafted garments arun sa ingun mahatagan niya og dakong katagbawan ang iyang mga kliyente.

Ang dakong pagtulun-an nga nakutlo ni Angela sa iyang pagka designer mao ang kanunay niyang pagpalapad sa iyang pasensya ug determinasyon sa gisudlan niyang negosyo.

Mapasalamaton usab siya sa iyang mga staff sa dakong tabang nga gihatag  niini kaniya.

Q and A

BNH: May gipili ba nga panahon ang sama nimo nga usa ka designer sa pagmugna og maanindot nga design?

ANGELA: If inspired ko, maka come up gyud ko og nindot nga mga designs and when in the middle of a quiet night.

BNH: Unsay dili nimo malimtan nga imong kasinatian isip usa ka designer?

ANGELA: I will always cherish the feeling of accomplishment after working endlessly for hours and finishing well-crafted garments that make clients satisfied.

BNH: Alang kanimo, unsay labing importanteng butang alang sa usa ka designer karong panahona ug ngano ?

ANGELA: Digital tools. Kay tua tanan nga applications. Such as business records, reminders, references and etc. to aid in efficiently running a fashion business. (BANAT NEWS)