Talk show sa Jowapao

CEBU, Philippines — Makabaton na  puhon  og kaugalingong talk show sila si Jose Manalo, Wally Bayola, ug  Paolo Ballesteros .  Sa maong show, ipabilin  gihapon nila ang naandan nila nga karakter isip Lola Tinidora, Lola Nidora, ug Lola Tidora. Posibleng mao kini ang mohulip sa timeslot sa Trops.

Andam magpa-sexy

Gimingaw na ang  former child star nga si Isabelle de Leon sa  heavy drama sama sa iyang gibuhat kaniadto  sa  2003 film nga Magnifico. Gibutyag sa aktres nga andam na pud siya modawat og sexy project.

Bathtub scene

Gibutyag ni Toni Gonzaga  nga usa sa mga angayan atngan sa pelikula nila ni Piolo Pascual  nga Last Night  mao ang bathtub scene. Suma pa sa aktres nga komportable ra sila ni Piolo sa dihang gigama ang maong eksena.

Responsableng opisyal

Taod-taod na nga wala modawat si Vilma Santos og showbiz projects gumikan kay prayoridad niya ang iyang trabaho isip kongresista sa ikalimang distrito sa Batangas.   Matud pa ni Ate V nga dili niya pakyason ang iyang mga konstituwente sa paghatag og tinud-anay nga pag-alagad niini.

Unsa man gyud?

Giangkon ni Loisa Andalio nga mogahin gyud sila og oras ni Ronnie Alonte  nga manglaag. Mag-uban usab sila sa pag-ehersisyo.  Wala mohatag og katin-awan ang duha sa ilang tinud-anay nga istado.

Nagbuwag ang ginikanan

Giangkon  ni  Nash Aguas nga dul-an na sa duha ka tuig nga buwag ang iyang ginikanan.”Grabe po noong una, kasi sobrang nasaktan ako. Kasi para sa akin ‘yung pinaka-main na gusto ko ay siyempre perfect family, ‘yung buo talaga. Parang ‘yun ang pinanghahawakan ko,” saysay pa ni Nash sa interview niini sa Magandang Buhay kagahapon.

Baby love

Padayon nga nimugna og kasikas sila si  John Lloyd Cruz ug Ellen Adarna.  Human gitawag ni Lloydie si Ellen og “baby” kaniadto, naukyab na pud karon  ang tagsa-tagsa nila nga Instagram followers .  Gitawag ni Ellen og ‘baby love” si Lloydie.

Target ni Empoy

Gipangandoy sa komedyanteng aktor nga si Empoy Marquez nga makauban sa proyekto ang TV host nga si Vice Ganda. “Si Vice matalino siya, alam niya lahat kung ano gagawin. Mabilis pumick-up, ‘yon si Vice,” matud pa ni Empoy.

Friendship goals

Nanuroy sa Bhutan ang suod nga managhigala nga sila si Angelica Panganiban ug Glaiza De Castro. Bisan pa man nga gikan sa lain-laing network, gipaningkamotan sa duha nga makabaton gyud og oras sa usa’g-usa.

Duna’y kasabotan

Giangkon ni  Ai Ai delas Alas nga duna sila’y  prenuptial agreement sa iyang 23-anyos nga pamanhunon nga si Gerald Sibayan.  Suma pa sa komedyanteng aktres nga gitambagan siya sa iyang abogado nga dili kini idetalye.

Atom molugwa sa 24 Oras

Pipila ka adlaw human nanamilit sa ABS-CBN,    giingong   malakip  si Atom Araullo  sa news program sa   GMA-7 nga 24 Oras.

Kahinumdoman nga nakalugwa na si Atom kaniadto sa maong news program pinaagi sa segment nga  “ ATOMic Sports”.

Nikatap usab ang video  nga giingong teaser alang sa pagtikang ni Atom sa GMA-7.

Kahinumdoman nga nasigpatan si Atom nga nilugwa sa   buhatan sa GMA-7 sa miaging adlaw.

Una na nga nihatag og pasumbingay  kaniadto sila si Arnold Clavio ug  Mike Enriquez  kalabot sa pagbalik ni Atom sa GMA News and Public Affairs . (BANAT NEWS)