Super Ma’am

CEBU, Philippines — Nanghugyaw sa  mga Sugbuanon  si  Marian Rivera-Dantes sa miaging  semana ug tataw nga nagsidlak-sidlak gihapon ang iyang pupularidad gumikan kay gidumogan  kini og maayo.

Kasamtangan niya nga gi-promote ang bag-o niya nga serye Super Ma’am .

 Dungan sa iyang big comeback sa GMA Telebabad, si Marian maoy mohatag sa kinabuhi ni Minerva Henerala, usa ka dedicated high school teacher nga adunay dakong pagpangga sa iyang mga estudyante bisan pa man sa mga pagkabadlungon usahay niini.

Sa maong teleserye, nakahimamat si Marian og  usa ka mythical glowing winged-creatures nga maoy makapa-transform kaniya isip Super Ma'am.

Tumong ni Super Ma'am mao ang pagluwas sa katawhan labi na kadtong mga estudyante gikan sa kamot sa mga dili  maayo nga elemento.

Atol sa pagpakighinabi kaniya sa Cebu Entertainment Group  sa miaging adlaw, iyang gipabuhagay ang iyang dakong kalipay sa labing bag-ong role nga gitanyag  kaniya tungod kay bag-o ug aduna gyud kini paghulagway sa kasamtangang nahitabo sa atong henerasyon.

“May tatlong nilatag na soap ang GMA  na kung ano ang magugustuhan ko pero sabi ko na,  ano ba yung hinahanap ng mga tao?”, suma pa ni Marian.

Dugang pa niya nga wala usab siya magdahum nga kining matang sa role ang moabot kaniya human sa pipila ka mga hugna nga nawala siya sa limelight.

Nisikad na ang maong serye niadtong Lunes sa gabii.

“This role is unexpected kasi ang tagal kong nabakante, ngayon lang ako nakabalik sa primetime, I was thinking na siguro ay mangangapa ako pero hindi rin pala dahil sobrang bait ng direktor ko at ang dali niyang kausap. Nandyan siya para I guide ako” padayag pa niya.

Mas inspirado usab si Marian nga motrabaho karon nga natuman na gyud ang iyang dream role nga mahimong usa ka magtutudlo.

"Dream come true talaga to para sa akin. Mahilig talaga ako sa mga bata. Pangarap ko talaga ang magturo sa mga bata sa totoong buhay. Hindi rin ito nalalayo sa’kin kasi nag-SpEd teacher ako at pangarap talagang maging teacher”, istorya pa ni Marian.

Karon nga aduna  na usab siya’y anak, buot ug gusto usab ni Marian nga “wholesome” na mga proyekto  ang iyang mga pagabuhaton.

“Gusto ko na paglaki niya ay mapapanood niya ito at sabihin niya na ‘Ma naging Super Ma’am ka pala?’ So gusto ko sa bawat gagawin ko ay magiging proud siya sa akin”, pagpasabot ni Marian.

Ang Super Ma'am gihulagway nga usa ka light, romance, action ug drama series.Ubos kini sa direksyon ni LA Madridejos.

Makauban sa top billed primetime queen ang labing bag-ong Kapuso heartthrob nga si Matthias Rhoads nga maoy modala sa papel ni Trevor Jones, usa ka American archaeologist ug writer nga ma-inlove sa Super Ma'am.

Matud ni Matthias, nagmalipayon siya sa oportunidad nga gihatag  kaniya sa GMA-7 ug dream come true alang kaniya nga makauban si  Marian.

Gani hangtud karon, matud niya halos di gihapon siya makatuo sa bag-ong kalambuan nga iyang naangkon sa iyang showbiz career.

"It is really such a blessing for me to be paired with Marian Rivera. Nakaka-pressure at a time. But I just enjoyed every scenes that I did here, " saysay pa ni Matthias.

Nalakip usab dinhi ang komedyanteng si Jerald Napoles kansang usa ka tabian nga janitor sa tunghaan nga kadugayan, sekreto na nga na- inlove sa atong super ma'am.

"Ang peg ko dito ay isang hopeless romantic. Kumbaga ako ang kumakatawan sa mga nag ho-hope. Sa mga na-hopia. Yung mga hopia culture sa mga Pinoy. Thankful ako sa GMA for giving me the chance to work with Marian”, suma pa ni Jerald.

Gipasalig ni Marian nga daghan gyud og makuha nga mga pagtulun-an ang kadaghanan ilabi na ang mga kabataan karon gumikan kay ipakita gyud niini kung unsa ang mga  kabag-ohan karon sa sistema sa pagtudlo ug gani, ipakita usab ang mga kasikas sa sulod sa tunghaan nga angayan gyud nga atangan . (BANAT NEWS)