“Bossing and Ai”
CEBU, Philippines — Usa ka game show ang umaabot nga proyekto nila ni Ai Ai delas Alas ug Vic Sotto sa GMA-7. Magsugod na ang maong show karong September 24 ug nag-ulohan kini og “Bossing and Ai”.
Magpaduol sa masa
Gipaningkamotan ni Sam Concepcion nga mahumot ang iyang imahe ngadto sa masa. Aminado ang singer nga dili kaayo duol sa masa ang iyang imahe busa usa kini sa gipangitaan niya og kasulbaran karong panahona.
JaDine nagpa-bukid
Nanglaag uban sa ilang barkada sila si Nadine Lustre ug James Reid sa Mt. Ulap sa Itogon, Benguet sa miaging adlaw. Suma pa sa duha nga panahon na pud nga magpahayahay sa bukid.
Gibawian og imbitasyon
Nakasabot ra si Marco Gumabao sa dihang gibawi ang nadawat niya nga imbitasyon sa Star Magic Ball karong September 30, Sabado, sa Makati Shangri-La Hotel. Nasayran nga giimbitar siya sa maong party, apan sa dihang nibalhin siya sa Viva Artist Agency, gikuha kini og balik.
Patagmon ni Tuesday
Todo post si Tuesday Vargas sa social media kalabot sa bus driver nga gihulagway niya nga arogante. Matud pa nga nasaghiran sa bus ang likod nga bahin sa iyang van. Iyaha unta nga hinabion og tarong ang bus driver apan nagpa-ugat kini ug gisyagitan siya niini. Suma pa ni Tuesday nga pasakaan gyud niya og reklamo ang maong driver aron motagam.
Ernie Zarate mipanaw na
Nipanaw na ang beteranong aktor nga si Ernie Zarate sa edad nga 77. Namatay kini tungod sa kumplikasyon sa sakit nga diabetes niadtong September 16. Sikat nga aktor si Ernie kaniadto ug pipila sa iyang mga pelikula naglangkob sa Tinimbang Ka Ngunit Kulang (1974), Relasyon (1982), Orapronobis (1989), ug Patayin sa Sindak si Barbara (1995).
Maricel sa MMK
Human sa pipila ka tuig, molugwa og balik sa usa ka episode sa Maalaala Mo Kaya ang aktres nga si Maricel Soriano karong September 23. Makauban niya sila si Lito Pimentel ug child star Raikko Matteo. Katapusang nilugwa si Maricel sa MMKK nahitabo niadtong 2003.
‘It Girls Besties”
Human sa reality series nga “It Girls” , aduna’y bag-ong show ang maghigala nga sila si Isabelle Daza , Liz Uy, Solenn Heussaff ug Georgina Wilson . Mao kini ang umaabot nga programa sa “E! Entertainment nga ‘It Girls Besties.”
Kinsa kaha?
Giatngan pag-ayo sa fans ni Maja Salvador kung kinsa ang maka-date sa ilang idolo sa umaabot nga Star Magic Ball. Niulbo ang tsika nga basin ang rumored boyfriend niya nga usa ka negosyante maoy makauban ni Maja sa maong proyekto.
New friend ni Kim
Malipayon si Kim Chiu gumikan kay nakakaplag siya og bag-ong higala sa showbiz. Nasuod na ni Kim ang aktres nga si Bela Padilla. Suma pa ni Kim nga nagkaila sila ni Bela human sila nagkadungan sa usa ka trade launch. Duha ka buwan na ang ilang panaghigalaay ug nagka-close dayon sila niini.
One year na!
Gisaulog ni Sunshine Cruz ug Ismael "Macky" Mathay” ang ilang 1st anniversary sa ilang relasyon niadtong Lunes. "You are a wonderful person my Macky and I will always be here to support you in all of your endeavors," suma pa ni Sunshine.
Marian wala katumpag ni Coco
Nagsugod na niadtong Lunes sa gabii ang bag-ong pantaserye ni Marian Rivera nga Super Ma’am sa GMA-7 apan wala kini kapalukapa sa kaatbang niini nga Ang Probinsyano sa ABS-CBN.
Base sa resulta sa AGB Nielsen nga namantala sa pep.ph, ang bag-ong show ni Marian nakaangkon lang og 9.5% , samtang ang serye ni Coco nakalangkat og 12.4 % nga rating.
Kahinumduman nga giatbang kaniadto sa Probinsyano ang serye nga Alyas Robinhood nga gibidahan sa bana ni Marian nga si Dingdong Dantes apan wala gihapon kini kalupig sa serye ni Coco.
Ellen ipares kang Empoy
Ang Sugbuanon nga Sexy star nga si Ellen Adarna maoy bag-ong leading lady sa komedyanteng aktor nga si Empoy Marquez alang sa upcoming movie niini sa Star Cinema.
Nasayran nga ni-renew si Empoy sa iyang kontrata sa Star Cinema niadtong Lunes.
Wala pa’y ideya si Empoy sa mahimong dagan sa istorya sa pelikula nila ni Ellen.
"Hanggang ngayon po ang movie ay nire-revise pa po, abangan na lang po," matud pa sa aktor sa interview niini sa ABS-CBN News.
Nikisaw og samot ang pangalan ni Empoy karong tuiga human nagmalampuson sa takilya ang pelikula nila ni Alessandra de Rossi nga “Kita Kita”.
2nd baby nila ni Richard Sarah Lahbati mabdos
Malipayong gianunsyo ni Richard Gutierrez nga nagsabak ang iyang girlfriend nga si Sarah Lahbati alang sa ikaduha nila nga anak.
Sa iyang Instagram niadtong Lunes sa gabii , September 18, nihatag na kini og senyales sa iyang dako nga anunsyo.
“Hey Zion, Mama and I have something to tell you!!!? Catch tonight's episode of #ItTakesGutzToBeAGutierrez only on E! #GutzOnE#WeGotSomeGoodNews”,” suma pa sa iyang post.
Pipila ka oras human niya gi-post ang maong mensahe, ni-post dayon siya og hulagway nila ni Sarah ug gikuptan nila ang “sonograms” sa ilang second baby uban sa ilang kuwatro anyos nga anak nga si Zion ug duna kini caption nga “We would like to thank the Man from above for another blessing our little family is growing and Zion is about to be a kuya!!!,”
Nagpasalamat usab si Richard kang Sarah gumikan sa pagkamaayo nga partner ug sa pagkaresponsableng inahan niini sa ilang anak.
“Thank you to my love @sarahlahbati for staying strong and patient despite my hectic schedule, she's able to take care of me, Zion and our little one on the way, she's truly a super mom,” dugang pa niya. (BANAT NEWS)
- Latest