Banat ( Leaderboard Top ), pagematch: 1, sectionmatch: 1

Naapektohan sa baha

CEBU, Philippines — Nakanselar ang premiere night sa  pelikulang Loving in Tandem nga gibidahan sa kanhi  PBB housemates nga sila si  Maymay Entrata, Edward Barber, Kisses Delavin ug Marco Gallo. Nasayran nga nagbaha ang pipila ka dapit sa kaulohan gumikan sa pagbunok sa uwan.   Gipasalida na sa mga sinehan sugod kagahapon ang Loving in Tandem

Remit sa asawa

Ihatag  ni Ian Veneracion ang tanan niya nga kinitaan sa showbiz ngadto sa iyang asawa nga si  Pam. Suma pa sa aktor nga mao kini ang gigamit sa pagpadagan sa ilang negosyo ug sa mga kinahanglanon sa ilang pamilya.

Balik-trabaho

Human sa taas nga bakasyon, nibalik na sa trabaho si John Lloyd Cruz partikular na sa taping sa sitcom nga  Home Sweetie Home.  Wala magpaapekto  ang aktor sa  viral video diin hubog siya. Una na nga gibutyag ni Lloydie nga wala siya nagmahay sa iyang gibuhat gumikan kay nalingaw siya og maayo sa iyang bakasyon uban kang Ellen Adarna.

Sam mipasilong

sa Viva

Mipirma og kontrata  sa  Viva Artists Agency si Sam Concepcion sa miaging adlaw. Tsika pa ni Sam nga nanamilit siya og tarong sa Star Magic.   Gipasalig hinuon sa singer nga magpabilin gihapon siya sa ABS-CBN.

Nagpares og balik

Malipayon sila si  Kristoffer Martin ug Joyce Ching gumikan kay nabanhaw ang ilang tandem sa TV screen.  Nalakip ang duha sa bag-ong primetime series ni Marian Rivera nga Super Ma’am.

Duna pa’y ikabuga

Gibutyag ni Kim Domingo nga ganahan siya mailhan sa kadaghanan isip aktres ug dili lang kutob sa pagpa-sexy sa iyang ikabuga.  Matud pa ni Kim nga ganahan siya nga mabatyagan usab sa mga tawo ang abilidad niya sa pag-arte.

Libro ni Empoy

Nagpanikad na si Empoy Marquez sa labing una niya nga libro nga  "Bakit Nakakakiliti Ang Bigote?"  I-release kini karong September 1, ug nagmalaumon siya nga malingaw ang mga tawo nga mobasa niini.

Luis mihimakak

Hugtanong gihimakak  sa  TV host-actor nga si Luis Manzano ang nitumaw nga balita nga nibalibad siya nga makauban ang iyang  ex-girlfriend nga si Angel Locsin sa sunod nga  season sa  talent search nga Pilipinas Got Talent (PGT).  Suma pa ni Luis nga wala pa siya’y idea kun siya pa bay  pilion sa ABS-CBN nga mo-host sa maong show  ug nagpaabot ra gyud siya sa signal.

DJ usa na ka amahan

Nanganak na niadtong Martes ang girlfriend ni  DJ Durano  nga si  Joan Dy Maranan.  Babaye ang labing una nila nga anak ug ginganlan nila kini og Jaden Dominique."We can do this! Go baby Jaden! ,” suma pa sa Instagram post sa aktor.

Plantsado na

Aduna na’y final date ang kasal nila ni  Max Collins ug  Pancho Magno ug mahitabo kini karong December 11, 2017 sa  Marriott Hotel sa  Pasay City. Pipila sa ilang principal sponsors mao sila si Senator Manny Pacquiao,  Jinkee Pacquiao, Kuh Ledesma, Ben Chan, Perry Lansigan, ug Direk Maryo J. Delos Reyes.  Nalakip usab sila si  Andrea Torres ug Rochelle Pangilinan sa  bridal entourage.

"Song Song Couple" giatngan na!

Nagpanikad na ang mga fanatic og Korean stars sa umaabot nga kasal nila ni  Song Joong Ki ug Song Hye Kyo nga gitawag sa kadaghanan nga "Song Song Couple".

Niulbo usab ang balita nga  ang  Love in The Moonlight actor  nga si Park Bo-Gum ug  That Winter, The Wind Blows actor nga si Jo In-Sung nalakip sa mga  groomsmen.

Sa report sa Soompi.com, ang  Descendants of the Sun lead stars gikatakda nga kaslon sa  The Shilla Seoul karong October 31.

Giingong  gikumpirmar na kini sa  agency ni Song Joong Ki nga  Blossom Entertainment .

Usa kini ka  five-star hotel nga  mao usab ang venue kaniadto sa  pipila ka  “high-class” celebrity weddings, kini sama sa kasal sa  Stairway to Heaven lead actor Kwon Sang-Woo ug aktres nga si  Son Tae-Young niadtong  2008 . Gikasal usab sa maong hotel ang  My Love From the Star lead actress nga si  Jun Ji-hyun ug  ang negosyante nga si  Choi Joon-Hyuk niadtong  2008.

Aduna kini unom ka  wedding halls nga naglangkob sa  Dynasty Hall, Ruby Hall, Topaz Hall, Emerald Hall, Memories Hill, ug  The Garden Reception. (BANAT NEWS)

  • Follow Us: