Banatanay: Pakpak alang sa Pista ng Pelikulang Pilipino

Sanden:  Hello mga Kabanatanay, nag-pista ang moviegoers karong panahona ilabi na sa mga mahiligon kaayo og Pinoy movies gumikan sa gilusad nga programa sa Film Development Council of the Philippines (FDCP) nga gipangulohan ni Liza Diño. Ang maong kalihokan gitawag og Pista Ng Pelikulang Pilipino, hinungdan nga wala gyu’y foreign films nga makita nato sa sinehan sukad niadtong August 16 hangtod sa 22. Hugyaw ra kaayo ang maong programa ni Liza gumikan kay makatabang gyud kini sa movie industry sa atong nasud.

Jaypee:  Yeseley not so fresh Sanden, support ko ana nimo.  Usa ko sa nahugyaw niining maayong lakang nga gihimo ni Liza. Lumalaban na gyud ang Pinoy movies.

Pero usa sa mga nikisaw karon mao ang pelikula nga nag-ulohan og  Patay Na Si Jesus!.  Kasagaran sa lead stars niini kay puros mga Sugbuanon. Unsa ka hugyaw, maka-proud kaayo.

Yuri:  Hellloooooo, well, naa pa ba ta'y debatehan karun nga nindot man kini nga kahigayonan kay kitang mga Pinoy makakita usab og mga pelikula nga gawang Pinoy.  Nindot ang feeling nga ang gilinyahan kay dili foreign movies. Mao nga maghinaut ko nga kini magpadayun para sa umaabot nga henerasyon,  ilaha pud kining masinati.  Unsa man gyud Sanden ug Jaypee? Unsa atong tan-awon???

Sanden: Makaingon gyud ta nga dili basta-basta ang mga Pinoy  hisgotan ang talento sa pagama og pelikula. Tita Yurs, siyempre suportahan nato ang tanan, kutob sa maabot sa atong dadabells hahaha. Lingaw kaayo ang Patay na Si Hesus kay magsige na lang ka og katawa. Congrats sa akong higala nga si Fatrick Tabada nga maoy writer sa maong pelikula. Nakakita na pud ko og 100 Tula Para Kay Stella, walang kupas ang ka maayo moarte ni Bela Padilla, nakahilak ko sa last last part sa movie. Secret na lang kon unsay ending. Si Jaypee , klaro kaayo sa pattern nga wala gyud motan-aw kay giuna man ang lovelife.

Jaypee: Hala nagsalita ang hampaslupang Sanden.  Of course wala pa ko nakakita sa maong mga pelikula kay naatol kini sa pagtikang nako sa  isla sa Bantayan  ug natanggong ko. Gikan ko nag-host sa Mister and Miss Intramurals sa akong alma mater nga mao ang Santa Fe National High School.  Atong nasayran nga 12 ka entries ang nalakip sa PPP, pero duna lang ko’y gamay nga hangyo, os-usan lang unta kini para gyud ma-accommodate kini sa mga sinehan. Support ra gyud ko ani. Mayta’g mokita kini og maayo.  Sama sa mga dagkong kita sa mga mainstream movie sa panahon sa MMFF.

Yuri:  Sakto ka Sanden  depende sa maabot sa atong dada but maghinaut kita nga walay mogawas nga pirated kay maluoy kita sa industriya. Ug Jaypee nga busy sa lovelife, dapat imo siyang kuyugon para makabaton mong duha og kalinaw.

Sanden: Hala mao ka Jaypee, pagbaton na og kalinaw  sa kasing-kasing day, pero kon asa ka ma-happy mosuporta ra gyud mi nimo kanunay. Sa mga Sugbuanon, suportahi ninyo PPP ha , kay nindot gyud ang ilang mga pelikula. Mas nindot pa ba sa MMFF? Tsismis na, kamo na la’y hukom.  Ang ubang entries sa PPP naglangkob sa, “Ang Manananggal sa Unit 23B”, “AWOL”, “Bar Boys” by Kip Oebanda, “Birdshot”, “Hamog”, “Paglipay”, “Pauwi Na”, “Salvage”, “Star na si Van Damme Stallone”, ug  “Triptiko”

Jaypee: Nganung apilon lage dayun ang lovelife nga naminghuy, agay.  Not so talented Yuri and not so beautiful Sanden, magpanon tang tulo pohon paingun sa mga sinehan arun magka moment sad tang tulo. Basta ako nagmalipayon sa  maong lakang sa gobyerno kay niining tungura nahatagan gyud og dakong tsansa  ang mga gagmay'ng maggamaay og pelikula.

Yuri:  Basta Pelikulang Pilipino pasok sa banga,  no to pirated movies  ha. Akong  damgo sa sunod, dapat naa napu’y  Bisaya Festival kay para  kitang mga bisdak makita naman sa mainstream movies. Jaypee  kon di ko beautiful,  ikaw kay ang ganda ganda mo... sa photos! Hahahahaha!

Alang sa inyong mga komento, ipadala lang kana sa 09192422676 , ug imantala ang inyong mensahe sa “Akong Banat”  sa Kalandrakas section sa umaabot nga mga adlaw.  Butangi sa inyong pangalan ug address. (BANAT NEWS)