Birdshot, Stella, ug Hesus nagmadaogon
CEBU, Philippines - Gitunol na sa Film Development Council of the Philippines (FDCP) ang special awards sa pipila ka entries sa Pista ng Pelikulang Pilipino (PPP) niadtong Domingo sa gabii.
Ang pelikulang "Birdshot" ni Mikhail Red maoy nakalangkat sa Critic's Choice Award, samtang ang "100 Daang Tula Para Kay Stella" nga gibidahan nila ni JC Santos ug Padilla maoy nakakuha sa Audience's Choice Award.
Nakuha usab sa “Patay Na Si Hesus" ang Jury's Choice Award. Ang maong pelikula gi-shoot dinhi sa Sugbo.
Diana mibalik sa Bubble Gang
Nibalik na si Diana Zubiri sa gag show sa GMA-7 nga Bubble Gang ug puwerting lipaya sa aktres gumikan kay dugay na siya nga gimingaw sa maong show.
"It's nice to be back!" suma pa sa aktres.
Kahinumdoman nga nahimo siya nga kabahin sa Bubble Gang gikan 2003 hangtud sa 2009 .
Aduna’y higayon nga nibalhin si Diana sa ABS-CBN ug nibalik ra pud sa GMA-7 human kini nalakip sa Encantadia 2 sa miaging tuig. (BANAT NEWS)
- Latest