Wala nag-inarte
CEBU, Philippines – Giasoy ni Direk Sherad Sanchez nga nakaangkon og third-degree burn ang aktres nga si Jessy Mendiola samtang nag-shoot sa pelikulang Salvage. Apan sigon pa sa direktor nga wala gyud nag-inarte ang aktres ug pipila ka oras human sa maong aksidente, andam na ang aktres alang sa dugang action scenes.
Awkward
Miangkon ang aktor nga si Ian Veneracion nga dili gyud siya komportable kaniadtong bag-o pa sila nagpares ni Bea Alonzo sa seryeng A Love To Last gumikan kay matod pa bata ra kaayo ang aktres nga mahimo niyang ka-loveteam. Wala niya damha nga gihangop sa publiko ang ilang tandem.
Nagpanikad sa training
Excited na ang former Encantadia star nga si Mikee Quintos alang sa tulo ka adlaw nga acting training niini gikan sa New York City-based coach nga si Anthony Vincent Bova. Si Anthony maoy usa sa bantogan nga theater performer ug magtutudlo og "Eric Morris System of Acting." Lakip sa maong training mao silang Joyce Ching ug Gil Cuerva.
Dili uyon sa haircut rule
Gibutyag sa Kapuso hunk actor nga si Gil Cuerva nga dako siyang supak sa haircut rule sa mga tunghaan. Niya pa, wala'y practical nga purpose ang maong pamaagi ug dili kini makaapekto sa pagtuon sa usa ka estudyante. "It suppresses your freedom."
Miklaro sa isyu
Gibutyag ni James Yap nga gihimo niya ang tanan aron mag-reach out ang anak niyang si Bimby apan wala gihapoy nahitabo. Mao kini ang tubag ni James sa pasangil sa ex-wife niini nga si Kris Aquino nga daw wala kini nag-effort nga makauban ug mas maila-ila pa ang ilahang anak.
Proud sa igsoon
Gipasigarbo sa Kapamilya teen actor nga si Daniel Padilla ang iyahang igsuon nga si Jose Carlito (JC) kinsa bag-o lang nigradwar sa kolehiyo. Dugang pa sa aktor, ang kalamposan sa iyahang igsuon kay lain na sab nga kalamposan sa iyahang inahan nga si Karla Estrada nga daw wala'y puas nga pagsuporta sa iyahang mga anak.
Target si Gong Yoo
Mitsika ang Kapamilya actress nga si Bea Alonzo nga gusto niyang makauban puhon sa usa ka proyekto ang Korean superstar nga si Gong Yoo. “Well, I hope I could meet him someday. Nakakatuwa kasi siyempre kasi we’re both endorsing a good product and sana one day makasama ko siya sa isang online short film series. I hope and I pray that will happen,"tsika pa sa aktres.
Misukol sa basher
Gitubag sa Kapamilya actress nga si Sofia Andres ang usa ka basher human siya gitawag nga "papansin" ug gisaway ang tweets niini nga matud pa "wrong grammar".
- Latest