Di mapul-an
CEBU, Philippines - Dakong kalipay gyud ang bation sa American singer nga si Joe Jonas sa matag higayon nga mobisita siya dinhi sa nasud gumikan kay aduna gyud siya’y mauli nga mga maayo nga handumanan. Atol sa iyang pag-abot dinhi niadtong Martes, gisugat dayon siya og cake tungod kay mao usab kini ang iyang adlaw’ng natawhan. Matud pa ni Joe nga dili gyud siya mapul-an nga mobalik dinhi pag-usab.
Bilib ni Lovi
Bilib gyud si Vhong Navarro sa kamaayo nga mokomedya sa iyang co-star sa pelikula nga “Woke Up Like This” nga si Lovi Poe. "First time po ni Lovi na mag-comedy, hindi po kayo mapapahiya. Sobrang ang galing-galing niya po rito”, suma pa ni Vhong.
Nagbuwag?
Daghan ang naukay sa pagtawag ni Pokwang sa iyang gisabak karon og “Baby Subong”. Matud pa sa mga netizens nga kanhi kini tawgon og Baby Brian. Nagpangutana na karon ang mga netizens kon nagbuwag ba ang duha o aduna lang kini away magtiayon.
Focus sa opportunity
Usa sa mga rason ni Roxane Barcelo kun ngano di pa siya andam magpakasal sa iyang boyfriend nga si Will Devaughn gumikan kay gusto pa niya nga hatagan og 100% attention ang ilang trabaho karon. “Kahit medyo cliché, pero bihira yung mga pagkakataon na dumadating sa amin ngayon”, suma pa ni Roxane.
Wala kakita
Walo ka buwan na ang nakalabay nga wala na makakita si James Yap sa iyang anak nga si Bimby. Matud pa ni James nga wala na matuman ang ilang kasabutan ni Kris Aquino nga matag Biyernes siya nga makigkita sa iyang anak. Dugang pa ni James nga adunay contact number ang iyang asawa karon nga si Michela Cazzola ngadto nila kang Kris apan gipahimangnuan na kini nga dili gyud hatagan si James sa maong numero.
Feeling virgin
Giangkon ni Pinoy Big Brother Season 7 Housemate nga si Cora Waddell nga “like a virgin” gyud ang iyang pamati sa dihang gibuhat ang pelikula nga Woke Up Like This. Matud pa niya nga mao kini ang iyang unang pelikula sa iyang showbiz career mao nga kanunay gyud siya nga magtuon sa iyang linya aron dili siya ang hinungdan sa kadelay sa taping. Dugang pa niya nga nabaghuan gyud siya sa feeling nga malakip sa usa ka press conference.
- Latest