The Nurse
CEBU, Philippines - Si Nadine Lustre ang bida sa umaabot nga horror film sa movie outfit ni Perci Intalan nga The Idea First Company. Ang maong proyekto nag-ulohan og The Nurse. Gitugtan ra si Nadine sa Viva nga molugwa sa maong proyekto.
Friends lang
Okay na kaayo ang tinagdan nila ni Gretchen Ho ug Robi Domingo sukad sila nagkauban sa TV show nga “University Town” . Duna’y kagahapon ang duha apan una na nila nga gibutyag nga wala gyud sa ilang hunahuna nga magbalik.
Proud mom
Gipasigarbo og maayo ni Karla Estrada ang iyang anak nga si Daniel Padilla gumikan kay nakahunahuna gyud kini nga mag-negosyo. “Sa akin, nakaka-inspire na si Daniel ay nakapag-isip kaagad ng negosyo. Kaka-open lang noong bar nila na District 8,” suma pa ni Karla sa programang Magandang Buhay kagahapon.
Tinagik ni Jamie
Duna’y kanta nga gisuwat si Jamie Rivera ug si Kisses Delavin maoy mohatag og kinabuhi niini. Dakong garbo alang kang Jamie nga makagama og kanta alang sa mga millennial.
Baby girl
Malipayong gipahibalo ni Bangs Garcia nga babaye ang umaabot nga anak nila sa iyang bana nga si Lloydi Birchmore. Gipahibalo niya kini atol sa iyang baby shower sa miaging gabii.
Dili mamugos
Naa na gyud sa alimpatakan ni Andrea Torres nga dili tanang tawo ang makagusto kaniya busa dili na lang niya panumbalingon kung duna siya’y madunggan nga negatibong komento batok kaniya. Gusto ni Andrea nga matutokan ang iyang career.
Giusab ang titulo
Gihulipan na sa Star Cinema ang titulo sa pelikula nila ni Vice Ganda, Daniel Padilla, ug Pia Wurtzbach nga entry sa Metro Manila Film Festival 2017. Gikan sa The Revengers, nag-ulohan na kini og Gandarah N’ Guapito.
Unya ra
Tsika pa ni Billy Crawford nga bisan hapit na sila kaslon ni Coleen Garcia, wala pa gyud sa ilang hunahuna nga maghulma dayon og bata. Suma pa ni Billy nga wala sila magdali sa maong butang ug naa pa sa kasal ang ilang hunahuna karong panahona.
Anne mipasalig sa fans
Gipasalig ni Anne Curtis ngadto sa iyang fans nga dili gyud niya biyaan ang showbiz inigkahuman sa kasal nila ni Erwan Heussaff. Duna ra’y panahona nga mahilom siya kadiyot apan iyaha gyud nga seguradoon nga magpabilin gihapon siya nga aktibo sa industirya.
Kahibalo molugar
Gitataw ni Paolo Contis nga wala gyud siya’y intensyon nga ilogon ang trono ni Paulo Avelino isip amahan sa anak ni LJ Reyes nga si Aki. Si Paolo maoy uyab ni LJ ug pinangga usab niini si Aki.
Bida na pud
Inilog gyud si Paolo Ballesteros sa mga movie producer karong panahona. Malakip na usab si Paolo sa umaabot nga pelikula sa OctoArts Films nga Barbie, My Wonder Beki. Nikisaw ang pangalan ni Paolo sukad siya nahimong bida kaniadto sa pelikulang Die Beautiful.
Alempoy pasok sa serye ni Piolo
Malakip sila si Alessandra de Rossi ug Empoy Marquez (Alempoy) sa umaabot nga serye sa Dreamscape sa ABS-CBN nga pagabidahan nila ni Piolo Pascual, Arci Muñoz, ug JC de Vera.
Ang maong serye pagadumalaon ni Direk Antoinette Jadaone nga nailhan gumikan sa gigama niya nga pelikula kaniadto sama sa “Love You to the Stars and Back” ug “That Thing Called Tadhana”.
Nasayran nga nasuta sa katawhan ang kusog nga chemistry nila ni Alessandra ug Empoy gumikan sa pelikulang “Kita Kita” nga nikita og kapin sa P300 million hinungdan nga gitawag na kini karon og “highest grossing local indie movie”.
Magsilbi usab kini nga comeback TV series ni Piolo gumikan kay katapusan siya nga nilugwa sa seryeng Hawak Kamay niadtong2014.
Basketball game Paul gihagit ni Daniel
Gihagit ni Daniel Padilla ang kauban niya nga Star Magic artist nga si Paul Salas sa usa ka basketball game match.
Kini human naabot kang Daniel ang komento ni Paul sa nahitabong insidente sa miaging Star Magic All-Star Game.
Kahinumdoman nga nagkainitay sila si Daniel ug JC de Vera sa maong duwa apan nangayo na sila og pasaylo sa usa’g-usa.
Apan nikomento si Paul og “hahahaha curry na curry ba.”
Gipasabot ni Paul mao ang NBA star nga si Stephen Curry nga idolo ni Daniel.
Sa lain niya nga post, nilenggua si Paul og , “Mag laro ka nalang ng lazer tag kung ayaw mo masaktan sa basketball.”
Gipang-tag niya ang iyang mga higala sa Twitter ug nikomento niini ang mga higala ni Daniel nga sila si Marco Gumabao, Patrcik Sugui ug Anjo Damiles.
Pagkataod-taod , nitubag si Daniel og “Seryoso ba tong mga to tol?” Pagkahuman, gihagit dayon ni Daniel si Paul pinaagi sa pangutana nga: “Ano? Sagot.”
Nahimo dayon nga top trending topic ang tweet ni Daniel kang Paul nga #anosagot.
Nitubag ra usab si Paul og, “G pa sched na kami ng court.”
Lawas ni Ellen sa Indonesia
Subling gipakisaw ni Ellen Adarna ang online world gumikan sa iyang sexy photos nga kuha sa iyang pagsuroy sa Bali, Indonesia.Sa iyang Instagram account, giplastada ni Ellen ang iyang kurbada sa lawas uban sa iyang sexy bikini attire ug nakabaton dayon kini og liboan ka likes.
Una na nga gibutyag ni Ellen nga dili niya kalimtan ang todo workout hinungdan nga namintinar ang iyang sexy body.
Marian hawod kaayo?
Nakugang si Marian Rivera sa nigawas nga isyu nga matud pa siya ang rason kung nganong nipahawa sa Triple A si Andrea Torres.
Ang Triple A maoy talent management nga gidumala ni Mr. Tony Tuviera.
“Ha? Ang powerful ko naman!Mas powerful pa ba ako kesa kay Mr. Tuviera? Parang hindi naman yata ako ganun klaseng tao.May kanya-kanya tayong paraan kung anuman, kung bakit.Pero kung anuman ang dahilan kung bakit siya umalis ng Triple A, parang labas na yata ako dun.Ipinapaubaya ko na ‘yan sa kanila—sa Triple A at kay Mr. Tuviera.
Una sa lahat, malaki ang respeto ko sa kanila,” saysay pa ni Marian nga namantala sa pep.ph.
Hugtanong gihimakak ni Marian nga matud pa, nagselos siya sa leading lady sa iyang bana nga si Dingdong Dantes sa seryeng Alyas Robin Hood 2 nga si Andrea.
Suma pa ni Marian nga wala’y rason nga magselos siya sanglit trabaho raman kini.
Gihimakak usab niya ang taod-taod na nga isyu nga matud pa gisulong niya si Andrea kaniadto sa set sa maong serye.
Komedya pa ni Marian nga ni-graduate na siya sa mga selos-selos ug dako siya og salig sa iyang bana. (BANAT NEWS)
- Latest