Jake mipaila sa bag-ong GF

CEBU, Philippines - Tataw nga naka-move on na si  Jake Zyrus sa breakup nila ni Alyssa Quijano    ug nakabaton na ang singer og bag-ong girlfriend.

Ang bag-ong uyab ni Jake (Charice)  ginganlan og Shyre Aquino nga matud pa maoy naghatag og kusog niya karon.

“You deserve all these good comments.They don't even know who you really are as a person.

To all of you, this woman makes me feel good about myself. She's the reason I stopped hating myself because of what other people think/say about me.

Other than her outer beauty, her inner beauty is one of the many reasons why I adore her. She's patient, funny and humble. Thanks for complimenting her. It makes me feel very proud.

She's a really good human being,”  suma pa sa Instagram post ni Jake.

Samtang ni-post usab si  Shyre og hulagway nila ni  Jake samtang nanuroy sa  usa ka beach resort ug aduna kini caption nga “I love you for who you are.”

Giingong usa ka  registered nutritionist/dietitian, fitness instructor, ug  Davaoeño  si  Shyre.

KathNiel andam mag-action movie

Bukas sa posibilidad  sila si Kathryn Bernardo ug Liza Soberano ug Enrique Gil  Daniel Padilla nga makabaton puhon og action movie.

Kahinum-doman nga romantic drama  ang kasagaran nga mga pelikula sa KathNiel kaniadto.

Matud pa sa duha nga daghan gyud sila og nakat-onan sa La Luna Sangre  ilabi na sa action scenes.

Nasayran nga dili basta-basta ang instructor  sa KathNiel alang sa maong serye gumikan  naggikan gyud  kini sa laing nasud.  

LizQuen ang hawod

Ang pelikula nila ni  Liza Soberano ug Enrique Gil nga  My Ex and Whys  maoy  highest-grossing film sa  “ first half”  sa 2017.

Ang maong pelikula nikita og P400 million  ug gisundan kini sa  Can't Help Falling In Love nila ni  Kathryn Bernardo ug Daniel Padilla nga dunay total gross nga P320 million.

Intimate  wedding

Gusto ni Sarah Lahbati nga intimate lang ang kasal nila ni Richard Gutierrez .  Kontento ra si Sarah nga ang pamilya ug ang suod lang nila nga mga higala ang motambong sa maong espesyal nga okasyon.

Normal lang

Gibutyag sa  GMA-7 executive   nga si Lilybeth Rasonable nga wala ra  maapektohan ang network sa pagbalhin sa pipila ka Kapuso stars ngadto sa laing istasyon.  Suma pa ni Rasonable nga  normal lang gyud sa industriya nga duna’y mga artista nga mubalhin  og laing network. Si Aljur Abrenica maoy labing bag-ong artista sa GMA nga nibalhin sa ABS-CBN.

Jeremy gihatagan og posisyon

Gitudlo ni  Presidente  Rodrigo Duterte ang kanhi  aktor nga si Jeremy Marquez isip  deputy secretary general sa  Housing and Urban Development Coordinating Council (HUDCC). Dili na bag-o alang kang Jeremy ang pagpangalagad, nahimo siya nga kapitan kaniadto BF Homes, sa Parañaque City sulod sa tulo ka termino.

Supportive GF

Giubanan gyud ni Bea Alonzo  ang iyang gidungog nga boyfriend nga si  Gerald Anderson sa victory party alang  sa  kadaogan  sa basketball  team niini sa bag-ohay lang nga Star Magic game. 

Nasayran nga supportive kaayo si Bea sa mga butang nga ikalipay ni Gerald.

Military service

Misugod na ang Korean star nga si Ji Chang Wook sa duha ka tuig nga mandatory military training.  

Gihatod siya mismo sa iyang fans sa pagtikang niya sa maong  training.

Napiksan sa bonus

Tsika pa sa direktor sa   ‘Kita Kita’, Sigrid Bernardo nga nalipay gyud siya og maayo sa bonus nga gihatag ni Piolo Pascual.

Wala siya mag-expect sa maong bonus  gumikan kay kontento na unta siya sa maayong feedback nga nadawat sa maong pelikula.

Una na nga gihatagan og bonus ang mga bida sa maong pelikula nga sila si Empoy Marquez ug Alessandra de Rossi.

Kapuso ra lage!

Bisan pa man sa mga tsika nga matud pa mobalhin siya og laing network , subling gitataw ni Ryza Cenon nga magpabilin gihapon siya sa GMA-7.   Una na nga nitumaw ang maong taho human siya nipasilong sa Viva Artist Agency.

Malipayon sa kinabuhi

Malipayon ang aktor nga si  Daniel Matsunaga sa mga panghitabo sa iyang kinabuhi karon,  pipila ka  buwan human sa breakup nila ni  Erich Gonzales. "Sobrang okay ako. I'm very happy sa lahat ng nangyari ngayon sa akin.

Mayroon akong two movies coming very soon," saysay pa ni Daniel sa interview niini sa Magandang Buhay kagahapon.

Nanghatag og regalo

Nibisita si  Coco Martin sa  Paradise Farms Elementary School sa San Jose del Monte, Bulacan niadtong Lunes.   Nanghatag og regalo si Coco sa mga tinun-an sa maong eskwelahan.

(BANAT NEWS)