Banat ( Leaderboard Top ), pagematch: 1, sectionmatch: 1

Talent Knows No Gender

CEBU, Philippines - Ang lumad nga taga Zamboanga nga si Michael Jay o mas naila sa kadaghanan isip si MJ, miangkon nga kaniadtong bata pa lang siya, dili gyud siya hilig nga mag-apil-apil og mga singing contest.

“Akong maestra nga si Teresita Abadiano mao gyud ang nakadiskubre sa akong talent kay she heard that I can carry a tune. Bisan og gipasuway ko niya og apil og competition sa among school, I never tried to continue joining kay I was so afraid if people might not accept me as who I am and I felt that there are more better singers than I am”, suma pa niya.

Apan sa paglabay sa mga katuigan, nanimpad siya dinhi sa Sugbo aron makakuha og maanindot nga trabaho. Wala niya damha nga adunay nagpaabot nga misyon kaniya nga mao ang pag-apil na og mga singing contest.

Tungod sa iyang suod nga higala nga si Drew Diaz nga migalgal ug mihatag kaniya og kaisog nga sudlon ang kalibutan sa singing contest, misuway gyud siya og apil sa Rising Star 2014.

“Mao to ang first time nako og tungtong in a big stage in front of hundreds of people in SM City Cebu Activity Center. Sa backstage kulba kaayo sa tanan, gipaningot ko’s taman. Pero pag-atubang nako sa audience, I felt the adrenalin rush and I got comfortable on stage.  What I thought when I stepped on stage was that might be the last time that I am going to sing so I had to go and give my all”, saysay pa niya.

Apan bisan og sa unang higayon niya nga pagsalmot, aduna gihapon sa iyang hunahuna ang kahadlok nga masalikway tungod sa iyang sekswalidad.

Ug bisan pa man niini, gipadayun lang gyud niya ang gusto sa iyang kasingkasing nga mao ang pagkanta ug ang pagpasundayag gumikan kay mao kini ang naghatag kaniya og kalipay.

“I realized after joining Rising Stars on TV nakaingon ko sa akong kaugalingon nga gift gyud ni ang talent nako ug kinahanglan nga ipadungog ko ni sa mga uban o ako gyud kini i-share so I can touch at least one heart in the audience through my music. The first time I was on stage in front of a big crowd, it gave me joy to see that people appreciated my talent regardless of my identity”, asoy pa MJ.

Apan sa pagkahibaw niya nga aduna usab diay dinagko nga contest dinhi sa Cebu sama sa Sinulog Idol, nibalik na usab ang iyang gikagul-an nga basin og dili siya madawat.

“First audition nako sa Sinulog Idol I kept the truth that I was gay kay basin og di ko madawat sa kon unsa ko ug basin di pud sila modawat og sama nako. I thought before that in the business of show, people would only appreciate straight; you should either be a male or female with talent. That society was not ready yet with people in between”, pagpasabot ni MJ.

Tungod sa iyang kadesidido nga makaapil gyud sa Sinulog Idol, mibalik siya sa pag-audition ug iya na gyud gipakita ang tinuod niya nga pagkatawo.

“My intention was to revolutionize Sinulog Idol by introducing a unique brand of talent from the LGBT community.  I wanted to show that people in between should have a place in Sinulog Idol and I’m grateful that they gave me the chance to start it all off being the first openly gay in the competition as far as I know”, padayag pa niya.

Dakong ang iyang kalipay gumikan kay  mao kini ang nahimong tinubdan nganong nausab na ang iyang pagtan-aw sa iyang kaugalingon kung diin nakatigom na siya og kompyansa nga mapadayon ang iyang misyon nga makapakita ug makapasundayag atubangan sa kadaghanan ug ang pagpalambo sa iyang kaugalingon sa personal nga aspeto.

Gihulagway usab ni MJ nga ang iyang journey sa Sinulog Idol, dili usab niya mabaylo sa bisan unsa nga katigayunan gumikan sa mga pagtulun-an nga iyang napundo sama sa pagbaton og maayong pamatasan ug ang pagpili og kanta nga haum sa iyang tingog.

“Pagkahibawo nako sa Bridge Over Troubled Water ni Clay Aiken, nahimo nako siya nga signature song.  Thankful kaayo ko ni Coach Jay Unchuan kay kon i-perform nako ni’ng kantaha, naa gyu’y ubang parts nga kinahanglan nako i-sustain ang long notes para ma-emphasize ang emotions nga gi-require sa song.  Everytime I sustain those long notes, people start to applaud and it’s always a beautiful feeling eversince.  Naa pa mi joke ana in one of the mall shows: “Sustain para pakpakan!” Haha”, istorya pa niya.

Gipadayag usab ni MJ nga kon dili tungod sa Sinulog Idol, dili niya makaplagan ang kalipay ug ang kagawasan nga dugay ra niya nga gihandom.

“Sobra kaayo akong pasalamat sa tanang coaches kay they kept us grounded and taught us great lessons in life that we will bring wherever we go.  I learned to appreciate my craft, be true to myself and never compromise my brand whatever happens”, suma pa niya.

Hirit pa ni MJ nga kinahanglan gyud ipakita ang tinuod nga pagkatawo gumikan kay mao ra gyud kini ang mohatod sa kalipay nga walay katapusan ug aron matagamtaman ang kaharuhay sa pamati.

“Always be true to yourself. Do not be afraid to let the world know and experience your true character. Being gay does not make you different than the rest”, panapos pa ni MJ.

BNH: Giunsa nimo pagkahibawong adunay contest nga Sinulog Idol?

MJ: I first watched Sinulog Idol 2010. Bag-o pako ato diri sa Cebu. Nakit-an nako si Mommy Apple Abarquez. Siya ang major reason nganong magtan-awan ko og Sinulog Idol kay tigsubaybay gyud  ko og PDA. It was an amazing experience lang to see someone you admire on TV right before your eyes.  Pirmi jud ko gahulat nga mo-perform siya.

BNH: Unsa ang kanta nga pwede nimo ipahinungod sa imong kaugalingon?

MJ: Perfect by Pink because it talks about people who are afraid to show the world who they are because of fear of rejection.  The world should not look at the outside appearance but the heart.  This was a struggle that I was able to overcome.  Do not deprive the world the chance to experience the beauty in truth.

BNH: Unsa nga genre that suites your personality? Why?

MJ: Upbeat ug power ballad, kay I have literally an upbeat personality ug I am powerful enough to make wise choices in life.

Name: Michael Jay Morales

Nickname: MJ

Birthday: June 5, 1990

Address: Punta Princesa, Cebu City

School & Course:

BS Nursing (Graduate) – Western Mindanao State University, Zamboanga City Masters in Nursing Major in Psychiatric Nursing – Cebu Normal University

Favorite Food: Bicol Express

Height: 5’4”

Weight: 148 lbs

Favorite Songs: Oceans (Where Feet May Fail) by Hillsong,  Bridge Over Troubled Water by Clay Aiken, all Regine  Velasquez songs

Favorite Singers: Regine Velasquez, Jed Madela, Jona Viray, Erik Santos, Clay Aiken ug David Archuleta

Favorite Movie: Avengers

Favorite Artist: Scarlett Johansson

Motto: Passion is something you persevere doing. When you are passionate about what you do, you do everything not out of obligation but out of pure gratitude. Count your blessings, there are so many things to be thankful for.

Titles/Achievements in Life:

• Rising Stars on TV 2014 Grand Finalist

• Sinulog Idol Season 5 Grand Finalist

• Chase Got Talent 2015 First Runner Up

• FCC Got Talent 2016 Second Runner Up

  • Follow Us: