Banat ( Leaderboard Top ), pagematch: 1, sectionmatch: 1

Vice nag-sorry

CEBU, Philippines – Nangayo og pasaylo ang It's Showtime host nga si Vice Ganda sa beteranong journalist nga si Tony Calvento human kini gikumpara ni Vice sa usa Tawag Ng Tanghalan (TNT) semi-finalist nga si John Mark. Sigon pa sa komedyante, wala siya'y intensyon nga makapasakit og laing tawo ug gusto lang siyang motambag sa contestant nga adunay insecurity sa hitsura niini.

Napuno sa saway

Gisaway sa writer nga si Suzette Doctolero  ang Cinemalaya 2017 entry nga Nabubulok nga  ubos sa direksyon ni Sonny Calvento. Gitawag ni Suzette ang maong pelikula nga "bulok", "ulol" ug "Tengeneng movie" nga nipaulbo sa kaspa sa cinematographer sa maong pelikula nga si Neil Daza.Gibidahan kini nilang Jameson Blake, JC Santos ug Gina Alajar.

Daghang mopuli

Human nakadawat sa Lifetime Achievement award gikan sa My Only Radio (MOR) si Martin Nievera tungod sa kontribusyon niini sa Original Pinoy Music,   kompyansa na siya karon kung mawala na sila sa industriya kay daghan nang mohulip nila. "Maraming mga singers ngayon puwedeng mag-exchange, magpalit ngayon kay Gary, sa akin,"sigon pa niya.

First birthday blast

Usa ka The Lion King-inspired ang tema sa party sa first birthday celebration sa anak nilang James Yap ug Michela Cazzola nga si baby MJ. Gipahigayon ang birthday blast didto sa The Blue Leaf Filipinas sa Parañaque City.

Jerika gikasal

Gikasal ang eldest daughter ni Manila Mayor Joseph Ejercito Estrada ug actress nga si Laarni Enriquez nga si Jerika Ejercito ngadto sa Spanish triathlete boyfriend niini nga si Miquel Aguilar Garcia. Engaged ang duha niadto lang Abril 12.

Wala na nauso

Miangkon ang komedyanteng si Bayani Agbayani nga dili na gyud uso ang situational comedy (sitcom) sa primetime television ug nailisan na kini og laing genre. "Napunta naman sa mga series like Ang Probinsyano, Ika-6 Na Utos, " tsika pa sa komedyante.

Andam sa  daring scenes

Wala'y prenong gibutyag sa Kapamilya actor nga si Jameson Blake nga andam siya mobuhat og daring scenes kung gikinahanglan kini alang sa  upcoming movie niya nga Haunted Forest. “Yeah, why not? Actually, I really love the craft of acting. Sa first movie ko I did daring scenes, di ba? So why not do more?"sigon pa sa aktor.

Naguol alang sa  paryente

Nipadayag ang Kapuso actor nga si Benjamin Alves sa iyahang kaguol gamit ang Twitter account niini mahitungod sa hulga sa North Korea nga atakihon ang Guam, usa sa mga  teritoryo sa USA. Dili malikayan sa aktor nga maguol kay daghan siya og mga paryente nga nagpuyo didto sa Guam.

Surprise bachelor party

Gipasiugdahan ni Nico Bolzico ang surprise bachelor party alang sa iyahang brother-in-law nga si Erwan Heussaff. Gipaambit ni Nick sa Instagram nga iyang gi–kidnap  si Erwan para sa surprise bachelor party niini didto sa Siargao. Wala pay petsa kanus-a gyud ang kasal ni Erwan ug ang TV host nga si Anne Curtis.

Negosyo sa Gonzaga sisters

Gibuksan sa celebrity sisters nga silang Toni ug Alex Gonzaga ang ikaunom nga  branch sa ilahang milk tea business. Ang Happy Cup giablihan niadtong Sabado nga  nahimutang dapit ra pud sa  ABS-CBN.

  • Follow Us: