Magsangka na gyud!

Hugyaw nga Domingo mga KabisChika! Nahuman na gyud ang fiesta sa among sityo Esco! Malipayon kaayo mi nga successful ang kalingawan ug happy ang tanan apan gisuklian kini pagka sunod adlaw  og kakulba dihang nakadawat ang among kadagkuan sa kapilya og balita nga hayan ipa-demolish na kini. KaHugyaw ba oi! Maayo na lang wala nadayun. Mao nga ang among pag- ampo tagaan og lugar ang among kapilya sa nakapalit sa maong yuta. Maluoy ka sa among mahal patron Senyor San Roque

Sa laing bahin, this is it! This is really is it! Kay karon na gyong Domingo, Agosto 13 mahitabo ang Branch Finals sa tinuig nga labing daku nga sangka sa sayaw, ang SM Supermalls Dance Fest! Mahibaw-an na gyud kon kinsa sa lima ka finalist ang mahimong kampiyon karong tuiga. Ang finalist naglangkub sa: SYNERGY, BITE A CHEESE, TYPE ONE, CUBZ, SZHD.

Mao nga mag-abot ta karong Domingo sa SM City Consolacion, mga alas kwartro sa hapon aron dungan natong masaksihan ang nagkahugyaw nga dance routines sa lima ka dance crews. Kon kinsa man gani ang dili makadaug, dili gyud sila magmahay kay ang Grand Champion ug 1st Runner Up dance crews makaapil sab sa regional finals diin ilang makatigi ang mga maayong mananayaw gikan sa Bacolod ug Iloilo. Mahitabo ang regional finals diha sa SM Seaside City puhon. Kitakits ta ha!? Thanks

Hugyaw pa more! Kay ang Skin 911 nga 11 na ka tuig nga nagserbisyo  sa katawhang Pilipino pinaagi sa pagpatim-aw niini sa linahi nga kaanyag sa matag Pilipino nakadawat na usab ug usa ka award  didto sa Okada Manila niining bag-o lang. Giila ang Skin911 isip nag- unang Premier Facial and Slimming Centre sa Visayas ug Mindanao. Ang maong pasidungog gimugna sa Elite Business and Leadership Award.

Congratulations to Miss Eleanor " Leah " Velasco ug sa tanang Skin 911 staff! BisChika pa ni Miss Leah nga, "Ang akong tumong ug tuyo sa pagmugna sa SKIN  911 kay ako mituo nga katungod sa matag tawo ang makasinati og barato apan epektibo nga beauty services."

Suma total, aduna na silay kapin sa 10 ka mga branches sa Kabisay-an.

Laing dakong kalambuan nga maangkon sa Skin911 mahitabo karung buwana human laing award ang madawat na sab sa maong kompanya isip pag-ila sa dekalidad nga services niini gikan sa International Management Excellence Award didto sa kauluhan.