Gamit sa suka

MANILA, Philippines - Ang suka maoy usa sa mga  labing importante nga sagol sa atong mga linuto sama na lang sa mga sud-an nga inun-unan, atchara ug uban pa.

Tumong sa mga tigluto nganong butangan gyud nila og suka ang mga linuto mao nga  aron dili kini dali madaot, makapukan sa mga bakterya sa mga hilaw nga pagkaon ug mao usab kini ang ihulip kun wala’y asin.

Dugang pa, gipamatud-an sa mga eksperto sa www.articles.mercola.com nga ang suka aduna pu’y mga  benepisyo nga maangkon sa mga tawo sama na lang sa musunod:

• Makatabang kini sa pagpakunhod sa timbang.

• Makapaayo kini sa mga samad

• Makapaputi sa ngipon.

• Makapalambo sa brain health sa tawo.

• Makapalambo sa nutrient absorption.

• Makapatangtang sa uga nga panit sa lawas

• Makatangtang sa kaspa.

Gawas sa mga benepisyo nga maangkon sa tawo pinaagi sa suka, aduna usab kini laing gamit nga gibutyag sa www.allyou.com  nga matud pa makatabang sa inadlaw-adlaw nato nga panikay sikay.

• Makapawala sa baho sa mga containers ilabi na ang mga basurahan.

• Makapasinaw sa mga lababo.

• Makapawala sa clog sa lababo.

• Makatangtang sa mga lama sa sinina.

• Makapabag-o og nawong sa mga karaan nga mga medyas.

• Makapasinaw sa mga leather bags.

• Makapugong sa pagbuak sa mga itlog.

• Makapatangtang sa mga nipilit nga chewing gum sa sinina.

• Makapawala sa baho sa iro sa sawog o sa parte nga nagpuyo ang iro.

• Makapalimpyo sa mga taya.