FASHIONABLE FRIDAY; Letting success speaks for him

Richardson  Nemenzo Apayla

Nickname            Sonny

Address               San Carlos City, Negros Occ.

Birthdate             March  05, 1972

Age        45

Facebook Page/Facebook Account  Sonnyapayla Wedding & Events

Motto   Work Hard in Silence. Let Success Makes The Noise.

Sa mga nakalabay'ng adlaw, nimugna og dakong saba ang festival costume nga girampa sa bag-ohay pa lamang nga mananaog sa Queen Philippines Pageant nga si Roxwen Delos Santos kinsa gikoronahang Queen International sa maong kompetisyon.

Usa ka linahi nga sapot ang iyang gisul-ub nga nagsalamin sa ka abunda sa natural resources sa Bohol.

Makita sa maong costume ang paghiusa sa mga gipanghambog sa Bohol nga nindot nga mga talan-awon maingon man ang chocolate hills ug ang nakapahugyaw niini mao ang human tarsier isip props.

Tuod man, mao kini ang napiliang Best in Costume sa Queen Philippines 2017.

Tungod niining linahi nga obra maestra, niadtong nakalabay'ng Domingo sa gabii, na-feature  kini sa  tibuok Pilipinas pinaagi sa usa ka episode sa Kapuso Mo Jessica Soho nga giabibahan gyud sa mga Sugbuanon.

Kining linahi nga masterpiece, usa lamang sa 'out of this world' nga mugna ni Richardson Nemenzo Apayla o kun mas nailang Sonny nga lumad nga taga San Carlos City, Negros Occidental.

Pangangkon ni Sonny, ubay ubay na sab siya'g nabistihan nga mga personalidad, usa na niini mao si Carla Jane Bolo, ang labing unang Sinulog Festival Queen.

Pagpaambit pa niya, mas gihatagan niya'g dakong pagtagad ang pag-design sa nagkadaiyang festival costumes.

Gani tungod sa linahi niyang abilidad sa pagdesinyo og mga nagkadaiyang festival costumes, dili na maihap ang mga naangkon niyang mga pasidungog.

Makaupat ka higayon nga naangkon niya ang Sinulog Festival Best in Costume Award.

Tulo ka higayon siyang nakaangkon sa kadaugan sa Pasigarbo sa Sugbo Festival Queen Best in Costume.

Samtang ang dili niya malimtan nga pasidungog mao ang pagkahimo niyang Best Designer of Amir Sali's, usa sa lig-ong kompetisyon alang sa mga designers sa Manila nga tuyong gipahigayon sa Dakbayan sa Dumaguete.

Sa mga pasidungog nga nadawat ni Sonny, mapamatud-an gyud nga hall of famer na siya sa natad sa fashion designing.

Usa sa mga sekreto nga iyang gipaambit kun nganung makamugna siya'g mga linahi nga mga outfit mao nga matud niya, manggawas ang tanan niyang mga kinakusgan nga mga idea sa panahong magkaduol na ang deadline sa paghuman niini.

Diin matud pa niya mapuga ang tanan niyang idea sa iyang utok ug dinha na manggawas ang mga nindot nga mga designs nga gusto niyang maangkon.

"Dako ang kalibutan sa fashion industry. Ug wala ko damha nga maabot ko niining industriyaha kay kaniadto, I started as a dancer sa among festival diri sa San Carlos City diin kung ikaw dancer ikaw mao'y mo-design sa imong costume. Sa niining paagiha ma-express namu labi na nako ang akoang artistry. Didto ko nagsugod sa akong designing. Daghan og nalipay ug daghan ang na-satisfy. Sukad niadto daghan na’ng kliyente ang naabot ug nimata na lang ko usa ka adlaw nga designer nako," pagpaambit pa ni Sonny kalabot sa  pagsugod niya sa fashion designing, 23  ka tuig na ang nakalabay.

Registered nurse ug kanhi nagtrabaho si Sonny sa usa ka tambalanan sa ilang lugar apan tungod sa nagkasakang demand sa iyang oras sa pag-design og costumes, mas gipili niyang tutokan ang iyang pagka designer.

"Wala koy laing masulti sa clients nako kundi ang dakong pagpasalamat sa salig nga ilang gihatag dinhi kanako. Sa mga nituo sa akong abilidad isip usa ka designer salamat kaayo. You just don't know how it feels. Ug sa mga umaabot ko pa nga mga clients, I will make sure nga ninduton pa nako akong trabaho para pud sa inyong ikalipay. Wala koy laing gihunahuna kundi ang ipa-satisfy ang client ra gyud."

Q and A

BNH: Kinsa man ang imong inspirasyon sa pagbuhat nimo niining tanan?

Sonny: Usa sa akong mga best friends nga mao si Alvin Estampador Cabales nga maoy nag-push nako aron mahimong designer. Apan ang mas naghatag gyud nako og inspirasyon mao ang akong pamilya hilabi na akong mama ug papa nga sila si Eufemia Nemenzo Apayla ug Rodoldfo Rivera Apayla.

BNH: Sa unsang panahona nakaingon ka nga hingpit na gyud nimong nakab-ot ang imong break isip designer?

Sonny: Walay insaktong higayun o panahon nga matawag nako ang akong kaugalingon isip usa ka designer but every after moment that a client is satisfied. Mabatyagan nako ang pagka-designer kon malipay akong mga clients. Ug didto  pa gyud nga mas nabatyagan nako siya nga gipili ko sa siyudad sa San Carlos isip Most Outstanding San Carloseño in the field of Culture And Arts .

BNH: Unsay dakong leksyon ang imong nakutlo sa imong pagka-designer?

Sonny: Ang pag- manage sa akong time ug sa akong mga schedules. And of course on how to satisfy a client and how to fulfill his or her expectations. (BANAT NEWS)